نیویارک میں نوجوانوں کی بے گھری کے مسئلے پر آگاہی کے لئے “وئیر گرین ڈے” کا انعقاد

“یوتھ ہوپ منتھ” کے دوران نوجوانوں کی بے گھری اور ان کے مسائل کے بارے میں آگاہی فراہم کرنے اور وسائل کی فراہمی کو فروغ دینے پر زور

نیویارک ( اردونیوز )نیویارک سٹی کے میئر ایرک ایڈمز نے اعلان کیا ہے کہ آج سٹی ہال اور دیگر میونسپل عمارتیں سبز روشنی سے روشن کی جائیں گی تاکہ نوجوانوں کی بے گھری کے مسئلے کے بارے میں شعور بیدار کیا جا سکے۔ یہ تقریب “وئیر گرین ڈے” کا حصہ ہے، جو نومبر کے مہینے میں “یوتھ ہوپ منتھ” کے دوران نوجوانوں کی بے گھری اور ان کے مسائل کے بارے میں آگاہی فراہم کرنے اور ان کے لیے ضروری وسائل کی فراہمی کو فروغ دینے کے لیے منعقد کی جا رہی ہے۔

میئر ایرک ایڈمز نے کہا، “اب بھی ہمارے پاس بہت سے نوجوان ہیں جو سڑکوں پر زندگی گزارنے پر مجبور ہیں۔ یوٹھ ہوپ منتھ ان مسائل پر توجہ دلاتا ہے اور اس کا مقصد نوجوانوں کو ان کے حالات میں بہتری کے لیے ضروری وسائل تک رسائی فراہم کرنا ہے۔ ڈراپ ان سینٹرز سے لے کر یوتھ کاو¿نسلنگ تک، ہمارے ادارے دن رات کام کر رہے ہیں تاکہ نوجوانوں کو جہاں بھی ضرورت ہو، ان تک پہنچیں اور نیویارک کے رہائشیوں کو محفوظ رکھیں۔ ہم فخر محسوس کرتے ہیں کہ ہم یوٹھ ہوپ منتھ میں حصہ لے رہے ہیں اور نوجوانوں کی بے گھری کے مسائل کو سال بھر حل کرنے کے لئے کوشاں ہیں۔”

نیویارک کی ڈپٹی میئر فار اسٹریٹیجک انیشی ایٹیوز، اینا جے۔ المنزر نے کہا، “سٹی ہال اور دیگر میونسپل عمارتوں کو سبز روشنی سے منور کر کے ہم نوجوانوں کی بے گھری اور بھاگ جانے کے واقعات کے مسائل کو اجاگر کرنے کے لئے ایک اور قدم اٹھا رہے ہیں۔ ہماری سٹی ایجنسیاں، جیسا کہ یوتھ اینڈ کمیونٹی ڈویلپمنٹ ڈیپارٹمنٹ، نوجوانوں کو ضروری مدد فراہم کرتی ہیں، جس میں خوراک، پناہ، لائف اسکلز، اور فنی تربیت شامل ہیں۔ ہم اس عزم کے ساتھ کام کر رہے ہیں کہ ہم نوجوانوں کے لیے استحکام کے مواقع پیدا کرنے میں اپنا کردار ادا کریں گے۔”

نیویارک سٹی ڈیپارٹمنٹ آف یوتھ اینڈ کمیونٹی ڈویلپمنٹ کے کمشنر، کیتھ ہاورڈ نے کہا، “ہمارا بنیادی مشن یہ ہے کہ نوجوانوں کی بے گھری کو ختم کیا جائے اور ان کے لیے محفوظ مقامات اور مواقع فراہم کیے جائیں تاکہ وہ اپنی صلاحیتوں کو بڑھا سکیں۔ ہم میئر ایڈمز کے ساتھ مل کر سٹی ہال اور دیگر سرکاری عمارتوں کو سبز روشنی سے منور کرنے پر فخر محسوس کرتے ہیں تاکہ نوجوانوں کی بے گھری کو روکنے کی اہمیت کو اجاگر کیا جا سکے اور اس اہم کام کو سراہا جا سکے جو ہماری انتظامیہ پورے سال جاری رکھتی ہے

Wear Green Day’ Held in New York to Raise Awareness on Youth Homelessness