امریکہ پاکستان کو200ونٹی لیٹرز عطیہ کریگا،100ونٹی لیٹر پاکستان پہنچ گئے

نیویارک (محسن ظہیر) امریکہ کی جانب سے پاکستان کو کورونا مریضوں کے علاج کے لئے 200ونٹی لیٹرز عطیہ کرنے کا فیصلہ کیاگیا ہے جن میں 100ونٹی لیٹرز پاکستان پہنچ گئے ہیں ۔ یہ ونٹی لیٹرز کراچی ائیرپورٹ پر امریکی نایب قونصل جنرل جازف مائیرز نے نیشنل ڈیزاسٹر مینجمنٹ اتھارٹی کے حکام کے حوالے کئے ۔ امریکہ میں پاکستانی سفیر ڈاکٹراسد مجید خان کے مطابق صدر ٹرمپ کی انتظامیہ نے پاکستان کو200ونٹی لیٹرز عطیہ کرنے کا فیصلہ کیا ہے جس میں سے ایک سو ونٹی لیٹرز موصول ہونے پر حکومت پاکستان ، صدر ٹرمپ کی مشکور ہے کہ اس مشکل وقت میں یہ مدد کی ۔
کراچی ائیرپورٹ پر ونٹی لیٹرز حوالے کرنے کی ایک مختصر تقریب کے موقع پر میڈیا سے بات کرتے ہوئے امریکی نائب قونصل جنر ل جوز مائیرز کا کہنا تھا کہ پاکستان اور امریکہ میں دیرینہ تعلقات رہے ہیں لیکن کورونا کے اس مشکل دور میں ہم ایک دوسرے کی ہر ممکن مدد کو یقینی بنا رہے ہیں۔

#USGovernment donates 100 #ventilators to #Pakistan to control with #COVID19 pandemic. Mr. John Joseph Hillmeyer, Deputy Council General handed-over the vents to Member (Ops) #NDMA at Karachi Airport. @pid_gov @appcsocialmedia @PTVNewsOfficial @RadioPakistan pic.twitter.com/R0CHknG0dy

— NDMA PAKISTAN (@ndmapk) July 3, 2020

نیشنل ڈیزاسٹر مینجمنٹ اتھارٹی کے حکام نے کراچی ائیرپورٹ پر ونٹی لیٹرز وصول کرتے ہوئے بتایا کہ ان ونٹی لیٹرز کے ساتھ ان کی دیکھ بھال اور ٹریننگ کا بھی انتظام کیا گیا ہے جو کہ ہمارے ہیلتھ کئیر پروفیشنلز کے لئے مددگار ثابت ہوگا۔پاکستان میں امریکی سفیر کا کہنا ہے کہ یہ ونٹی لیٹرز پاکستان کو کورونا مریضوں کے علاج میں مددگار ثابت ہونگے۔
پاکستانی سفیر اسد مجید کا کہنا ہے کہ پاکستان ،صدر ڈونلڈ ٹرمپ کا مشکور ہے کہ جنہوں نے کورونا کے مشکل وقت میں پاکستان کو دو سو ونٹی لیٹرز عطیہ کرنے کا فیصلہ کیا۔ ایک سو ونٹی لیٹرز موصول ہو گئے ہیں جبکہ ایک سو باقی بھی امریکہ پاکستان کو بھجوائے گا۔ سفیر کا مزید کہنا تھا کہ کورونا وبا کے چیلنج سے دنیا کو ایک دوسرے کا ساتھ دے کر نبرد آزما ہونا ہوگا۔

Grateful to @realDonaldTrump for donating 200 ventilators (100 delivered) and for standing with the people of Pakistan during this difficult time. COVID-19 is a global threat that our two countries are fighting together @ImranKhanPTI@WHNSC@SMQureshiPTI

— Asad M. Khan (@asadmk17) July 3, 2020

United States has donated 100 ventilators to Pakistan, 100 more ventilators will be donated later.