واشنگٹن ائیرپورٹ پر پاکستانی کی رقم ضبط، کسٹمز اینڈ بارڈر پروٹیکشن کی بڑی کاروائی

کسٹمز اینڈ بارڈر پروٹیکشن افسران نے ایک اور امریکی شہری سے 18,750 ڈالرز ضبط کیے، جو اسلام آباد، پاکستان جا رہا تھا۔ اس مسافر نے زبانی طور پر 14,200 ڈالرز رکھنے کا بتایا اور اسی رقم کے لیے کرنسی رپورٹنگ فارم بھی مکمل کیا، تاہم افسران کی تلاشی کے دوران 18,750 ڈالرزبرآمد ہوئے
واشنگٹن کے ڈلس انٹرنیشنل ایئرپورٹ پر گزشتہ ہفتے دو مختلف کارروائیوں میں امریکی کسٹمز اینڈ بارڈر پروٹیکشن (سی بی پی) افسران نے 52 ہزار ڈالرزسے زائد غیر رپورٹ شدہ کرنسی ضبط کر لی

نیویارک ( محسن ظہیر سے ) واشنگٹن کے ڈلس انٹرنیشنل ایئرپورٹ پر گزشتہ ہفتے دو مختلف کارروائیوں میں امریکی کسٹمز اینڈ بارڈر پروٹیکشن (سی بی پی) افسران نے 52 ہزار ڈالرزسے زائد غیر رپورٹ شدہ کرنسی ضبط کر لی۔ پہلا واقعہ پیر کے روز پیش آیا، جب سی بی پی افسران نے ایک امریکی شہری سے 33,922 ڈالرز ضبط کیے جو برسلز، بیلجیئم جانے کے لیے پرواز میں سوار ہو رہا تھا۔ ”سی بی پی“کے کرنسی سونگھنے والے کتے “فز” نے مسافر کے دستی سامان پر ردِ عمل ظاہر کیا، جس پر افسران نے تفتیش کی۔ ابتدا میں مسافر نے زبانی طور پر آٹھ ہزار ڈالرزرکھنے کا اعتراف کیا، لیکن جب اسے تحریری طور پر رقم درج کرنے کو کہا گیا تو اس نے اسے 30ہزار ڈلارزبتایا۔ بعد ازاں، سامان کی تلاشی کے دوران مزید کرنسی برآمد ہوئی۔
دوسرا واقعہ منگل کے روز پیش آیا، جب کسٹمز اینڈ بارڈر پروٹیکشن افسران نے ایک اور امریکی شہری سے 18,750 ڈالرز ضبط کیے، جو اسلام آباد، پاکستان جا رہا تھا۔ اس مسافر نے زبانی طور پر 14,200 ڈالرز رکھنے کا بتایا اور اسی رقم کے لیے کرنسی رپورٹنگ فارم بھی مکمل کیا، تاہم افسران کی تلاشی کے دوران 18,750 ڈالرزبرآمد ہوئے۔
امریکی قانون کے مطابق کرنسی رپورٹ کرنا ضروری ہے؛
امریکی قوانین کے تحت، مسافروں کے لیے کسی بھی حد تک کرنسی یا مالیاتی دستاویزات لے جانا قانونی ہے، لیکن 10ہزار ڈالرز یا اس سے زیادہ رقم ہونے کی صورت میں اسے کسٹمز اینڈ بارڈر پروٹیکشن افسر کو رپورٹ کرنا لازمی ہے۔ اس کے لیے مسافروں کو متعلقہ فارم مکمل کرنا ہوتا ہے۔
کسٹمز اینڈ بارڈر پروٹیکشن (سی بی پی)واشنگٹن ڈی سی کی ایریا پورٹ ڈائریکٹر، کرسٹین واہ نے اس موقع پر کہا: یہ ضبطیاں تمام مسافروں کے لیے ایک یاد دہانی ہیں، خاص طور پر ان افراد کے لیے جو اگلے چند ہفتوں میں بہار کی تعطیلات کے سفر کا ارادہ رکھتے ہیں، کہ بین الاقوامی سفر کے دوران سی بی پی افسران سے سچ بولا جائے۔”
رپورٹ نہ کرنے کی سخت سزائیں
سی بی پی افسران مسافروں کو زبانی اور تحریری طور پر کرنسی ظاہر کرنے کے متعدد مواقع فراہم کرتے ہیں، لیکن جھوٹ بولنے یا معلومات چھپانے والے افراد کو سخت نتائج کا سامنا کرنا پڑ سکتا ہے، جن میں شامل ہیں:
۱۔ پرواز سے محروم ہونا اور سفری منصوبے متاثر ہونا ،۲۔ تمام کرنسی ضبط کر لیے جانے کا خطرہ ،۳۔ غیر قانونی کرنسی اسمگلنگ کے الزام میں فوجداری مقدمہ
بعض اوقات غیر رپورٹ شدہ کرنسی **غیر قانونی سرگرمیوں، جیسے مالیاتی فراڈ اور منی لانڈرنگ سے حاصل ہونے والی رقم ہو سکتی ہے**۔ تاہم، کچھ مسافر جائز طریقے سے حاصل کردہ رقم کو بھی خاندان یا کاروباری شراکت داروں سے چھپانے کے لیے غیر قانونی طریقہ اپناتے ہیں۔
کسٹمز اینڈ بارڈر پروٹیکشن (CBP ) روزانہ لاکھوں ڈالر ضبط کرتا ہے؛سی بی پی کے مطابق، مالی سال 2023 کے دوران، افسران نے **روزانہ اوسطاً 182,998 ڈالرزکی غیر رپورٹ شدہ یا غیر قانونی کرنسی ضبط کی۔ امریکی کسٹمز اینڈ بارڈر پروٹیکشن کا مشن بین الاقوامی سرحدوں پر سیکیورٹی کو یقینی بنانا ہے، جس میں غیر قانونی منشیات، غیر رپورٹ شدہ کرنسی، ہتھیار، جعلی اشیائ ، ممنوعہ زرعی اشیائ اور دیگر خطرناک سامان کو پکڑنا شامل ہے، تاکہ امریکی عوام، کاروبار اور ملکی معیشت کو نقصان سے بچایا جا سکے۔

.

CBP officers seized $18,750 in unreported currency from a U.S. citizen traveling to Islamabad, Pakistan

On Monday, CBP officers seized $33,922 in unreported currency from a U.S. citizen boarding a flight to Brussels, Belgium, after CBP currency detector dog Fuzz alerted to the man’s carryon baggage. The traveler verbally reported that he possessed $8,000 but changed that total to $30,000 when officers asked him to write down how much currency he possessed. CBP officers discovered the additional currency during a baggage exam.Travelers must report currency over $10,000 when leaving from and arriving to the U.S.
On Tuesday, CBP officers seized $18,750 in unreported currency from a U.S. citizen traveling to Islamabad, Pakistan. The traveler verbally reported that he possessed $14,200 and completed a currency reporting form for $14,200. CBP officers inspected the traveler and his carryon baggage and discovered a total of $18,750