نیویارک سٹی امیگرنٹس کےلئے ایک محفوظ شہر ہے ، مئیر ایرک ایڈمز

نیویارک ( اردونیوز) نیویارک سٹی کے مئیر ایرک ایڈمز نے کہا ہے کہ نیویارک سٹی میں شہریوں کے جان و مال کے تحفظ کو یقینی بنانا ہماری اولین ذمہ داری ہے ، اس لئے نیویارک میں کسی بھی قسم کے سنگین اور پر تشدد جرائم میں ملوث مجرم کے لئے کوئی جگہ موجود نہیں ۔میری یہ پالیسی ، مئیر نے مزید کہا کہ ، آج سے نہیں بلکہ شروع دن سے ہے ۔ان خیالات کا اظہار مئیر ایڈمز نے نیویارک سٹی ہال میں نیویارک کے مسلم امریکن ایتھنک اینڈ کمیونٹی میڈیا سے ایک راو¿نڈ ٹیبل کانفرنس سے خطاب کے دوران کہی تاہم مئیر ایڈمز نے واضح کیا کہ نیویارک سٹی میں سول انفورسمنٹ کے حوالے سے امیگریشن سے کوئی اشتراک نہیں ۔ انہوں نے پر اعتماد لہجے میں کہا کہ نیویارک سٹی امیگرنٹس کے لئے ایک محفوظ شہر ہے ۔
سٹی ہال میںہونیوالی اس میڈیا راو¿نڈ ٹیبل میں مئیر کے ہمراہ ان کے کمیونٹی افئیرز کے کمشنر ، کمشنر عاصم سمیت ان کی انتظامیہ میں شامل اہم عہدوں پر فائز مسلم امریکن حکام بھی موجود تھے ۔رمضان المبارک کی آمد کے پیش نظر اس نشست کا مقصد مسلم کمیونٹی کے مسائل، ضروریات اور ان کے حل کے لیے شہر کی انتظامیہ کی جانب سے کیے جانے والے اقدامات پر تبادلہ خیال کرنا تھا۔میئر نے مسلم کمیونٹی کی خدمات کو سراہتے ہوئے کہا کہ نیو یارک میں مختلف کمیونٹیز کے درمیان ہم آہنگی میں مسلم برادری ایک نمایاں کردار ادا کر رہی ہے۔ انہوں نے زور دیتے ہوئے کہا کہ مسلم کمیونٹی کی آواز کو سننا اور ان کے مسائل کے حل کے لیے اقدامات کرنا ان کی انتظامیہ کی اولین ترجیحات میں شامل ہے۔میئر ایرک ایڈمز نے اجلاس کے دوران اپنی مئیرشپ کے دوران کیے گئے کاموں پر تفصیلی بریفنگ دی اور شہر میں کنجیشن فیس کے حوالے سے شرکائ کے ساتھ گفتگو کی۔ انہوں نے اس موقع پر کہا کہ اگر انہیں دوبارہ میئر منتخب کیا گیا تو وہ شہر کی مزید ترقی اور بہتری کے لیے اہم اقدامات کریں گے۔اس راو¿نڈ ٹیبل اجلاس میں مختلف مسلم میڈیا اداروں کے نمائندوں نے شرکت کی اور اپنے تجربات و تجاویز پیش کیں۔ شرکاءنے میئر اور ان کی ٹیم کے ساتھ کھل کر گفتگو کی اور مستقبل میں بہتر تعاون اور روابط کے لیے مختلف پہلوو¿ں پر تبادلہ خیال کیا۔میئر کے دفتر برائے ایتھنک و کمیونٹی میڈیا کی ڈائریکٹر نے اس موقع پر کہا کہ اس طرح کی نشستیں مختلف کمیونٹیز کے درمیان ہم آہنگی اور باہمی تعاون کو فروغ دینے میں مددگار ثابت ہوتی ہیں۔ انہوں نے اس بات کا اعادہ کیا کہ مستقبل میں بھی اس طرح کے مزید پروگرامز منعقد کیے جائیں گے تاکہ تمام برادریوں کے ساتھ مضبوط تعلقات استوار کیے جا سکیں۔