مولانا طارق جمیل کو صدمہ ، جواں بیٹا گولی لگنے سے جاں بحق

لاہور ( احسن ظہیر سے ) پاکستان کے معروف عالم دین مولانا طارق جمیل کا جواں سال بیٹا گولیءلگنے سے جاں بحق ہو گیا ہے ۔ مولانا طارق جمیل کی جانب سے ’ایکس ‘ پر پوسٹ کئے گئے ٹویٹ کے مطابق ان کا جواں سال بیٹا تلمبہ میںحادثاتی طور پر گولی لگنے سے جاں بحق ہو گیا ہے ۔

انا للہ وانا الیہ راجعون

آج تلمبہ میں میرے بیٹے عاصم جمیل کا انتقال ہوگیا ہے. اس حادثاتی موت نے ماحول کو سوگوار بنا دیا۔ آپ سب سے گزارش ہے کہ اس غم کے موقع پر ہمیں اپنی دعاؤں میں یاد رکھیں. اللہ میرے فرزند کو جنت الفردوس میں اعلیٰ مقام عطا فرمائے۔

— Tariq Jamil (@TariqJamilOFCL) October 29, 2023

مولانا طارق جمیل کا اپنے ٹویٹ میں مزید کہنا ہے کہ اس حادثاتی موت نے ماحول کو سوگوار بنادیا ہے۔ انہوں نے سب سے اپیل کی کہ وہ ان کے لئیے اور ان کے متوفی (بیٹے ) کے لئے دعا کریں ۔پاکستان کی اہم دینی و سماجی و سیاسی شخصیات اور مولانا طارق جمیل کے پاکستان سمیت دنیا بھر میںموجود پیروکاروں نے مولانا طارق جمیل سے گہرے دکھ اور تعزیت کا اظہار کیا ہے اور دعا کی ہے کہ اللہ تعالیٰ ان کے مرحوم بیٹے کو جوار رحمت میں اعلیٰ مقام نصیب فرمائیں اور ان کے درجات بلند فرمائیں ۔

پولیس آفیسر ( آر پی او) ملتان سہیل چوہدری کا کہنا ہے کہ مولانا عاصم جمیل کے سینے پر گولی لگی ہے۔