نیویارک پولیس ڈیپارٹمنٹ میں پاکستانی امریکن پولیس آفیسر کی تنظیم PALSکے الیکشن

نیویارک (اردونیوز )نیویارک پولیس ڈیپارٹمنٹ میں فرائض منصبی ادا کرنے والے پاکستانی امریکن پولیس آفیسرز کی نمائندہ تنظیم ”پاکستانی امریکن لاءانفورسمنٹ سوسائٹی “ (PALS) کی نئی قیادت منتخب کر لی گئی ہے ۔ ڈیٹکٹو روحیل خالد ”PALS“کے پریذیڈنٹ منتخب کئے گئے ہیں جبکہ ایگزیکٹو باڈی کے دیگر عہدوں کے لئے اسد انور کو وائس پریذیڈنٹ ، محمد عشرت کو سیکرٹری فنانس، محمد بھٹی کو سیکرٹری ، احتشام خان کو ایونٹ کوارڈی نیٹر ، فیصل اعجاز کو سارجنٹ ایٹ آرمزاور مہران فیاض کو ریکارڈنگ سیکرٹری منتخب کیا گیا ہے ۔”پاکستانی امریکن لاءانفورسمنٹ سوسائٹی “ کی قیادت کا انتخاب سوسائٹی کی جنرل ممبر شپ میٹنگ میں کیا گیا ۔ سوسائٹی کے نومنتخب صدر ڈیٹیکٹو روحیل خالد کا کہنا ہے کہ اُن پر جس اعتماد کا اظہار کیا گیا ، وہ اس پر پورا اترنے اور سب کو ساتھ لے کر چلیں گے

تقریب میں نیویارک پولیس ڈیپارٹمنٹ میں فرائض منصبی ادا کرنے والے پاکستانی امریکن پولیس کیپٹن وحید اختر ، کیپٹن عدیل رانا، کیپٹن مصباح، کیپٹن اویس خانزادہ اور کیپٹن آصف اقبال کے علاوہ ڈپٹی پبلک ایڈوکیٹ کاشف حسین ، پولیس بینولنٹ ایسوسی ایشن کے وائس پریذیڈنٹ سمیت چیف سیموئیل رائٹ اور دیگر پولیس حکام اور آفیسرز نے شرکت کی اور ”پاکستانی امریکن لاءانفورسمنٹ سوسائٹی “ کی نو مننتخب قیادت کو ان کے انتخاب پر مبارکباد دی ۔نیویارک پولیس ڈیپارٹمنٹ میں سینکڑوں کی تعداد میں پاکستانی اور مسلم امریکن پولیس آفیسرز اپنے فرائض منصبی ادا کررہے ہیں ۔

Rohail Khalid elected as President PALS