پیپلزپارٹی یو ایس اے کا قائد اعظم محمد علی جناح کی قیادت کو سلام

نیویارک (اردونیوز ) پاکستان پیپلز پارٹی یو ایس اے کے صدر خالد اعوان اور نائب صدر ذوالفقار بسرا نے بانی پاکستان قائد اعظم محمد علی جناح کی ملک و قوم کے لئے خدمات کو شاندار الفاظ میں خراج تحسین پیش کیا ہے ۔ بانی پاکستان کے یوم ولادت پر جاری کردہ خصوصی بیان میں خالد اعوان اور ذوالفقار بسرا نے کہا کہ برصغیر کے مسلمانوں کی خوش قسمتی تھی کہ انہیں محمد علی جناح کی قیادت نصیب ہوئی جنہوں نے ان تھک محنت سے مسلمانان ہند کے لئے ایک الگ وطن حاصل کیا۔ انہوں نے کہا کہ قائد اعظم کا یوم ولادت اس عہد کے ساتھ منانا چاہئیے کہ ان کے ایمان ، اتحاد، یقین محکم کے اصول کو اپنا نصب العین بنا لیں ۔
خالد اعوان نے کہا کہ میں پاکستان پیپلز پارٹی یو ایس اے کے تمام عہدیداران اور ارکان کی جانب سےپوری قوم کو قائد اعظم کے یوم ولادت پر مبارکباد پیش کرتا ہوں ۔

#PPPUSA, #QuaideAzam #KhalidAwan #ZulfiqarBasra