اقوام متحدہ کے امن دستوں میں کام کرنے والے پاکستانیوں کو ”کورونا ویکیسن “ یقینی بنائی جائے ، منیر اکرم

نیویارک (اردونیوز ) اقوام متحدہ میں پاکستان کے مستقل مندوب سفیر منیر اکرم کا کہنا ہے کہ اقوام متحدہ کے امن مشن میں کام کرنے والے تمام پاکستانی اہلکار ”ضروری کارکن “ (essential workers) ہیں اور ہمیں اعتماد ہے کہ اقوام متحدہ اس بات کو یقینی بنائے گا کہ ان سب کو ”کورونا ویکسین“ کی جلد اور مساوی طور پر ملے گی۔ اقوام متحدہ میں خطاب کے دوران منیر اکرم کا مزید کہنا تھا کہ اقوام متحدہ کا ”پیس کیپنگ “(Peace Keeping)ایک کامیابی کی داستان ہے۔ پاکستان اقوام متحدہ کے 46 مشنوں میں دو لاکھ امن فوجیوں کی تعیناتی پر اپنی شراکت پر فخر محسوس کرتا ہے۔

سفیر منیر اکرم نے مزید کہا کہ قیام امن کے تمام مراحل میں لیکن خاص طور پر سویلین آبادیوں کے تحفظ میں خواتین امن فوج کا کردار ضروری ہے۔ اقوام متحدہ کے امن فوجیوں کے لئے یہ ضروری ہے کہ وہ تنازعہ والے ممالک اور خطوں کو امن سازی کے مرحلے میں منتقل کرنے میں آسانی فراہم کرے۔ جہاں بھی ممکن ہو یہ پاکستانی امن دستوں کی کوشش ہے۔انہوں نے کہا کہ پاکستان , اقوام متحدہ کے قیام امن کے کردار اور تاثیر اور بین الاقوامی امن و سلامتی کے مقصد کو آگے بڑھانا چاہتا ہے۔
منیر اکرم نے کہا کہ بین الاقوامی برادری متعدد خطوں خصوصا افریقہ کے مختلف علاقوں میں سیکیورٹی چیلنجوں کا مقابلہ کر رہی ہے جو ان دنوں سے بہت مختلف ہیں جن کے بارے میں ہم نے سلامتی کے ابتدائی دنوں میں خطاب کیا تھا۔ خطرات کی بدلی ہوئی نوعیت کے ساتھ ، ہمارے پاس نئی صلاحیتیں بھی ہیں جو اقوام متحدہ کو اپنے امن فوجیوں کی کارکردگی کو بڑھانے کے قابل بناسکتی ہے۔

All our peacekeepers are “essential workers” & we trust that the United Nations will ensure that all of them will receive the Covid vaccine quickly & equitably: Amb Munir Akram