گاڑی کو چلانا بابو ذرا سنبھل کر، لانگ آئی لینڈ میں سٹیٹ پولیس ٹکٹوں پر ٹکٹیں دے رہی ہے

نیویارک ( اردو نیوز ) نیویارک کے نواحی علاقے لانگ آئی لینڈ میں نیویارک سٹیٹ پولیس کی جانب سے گذشتہ سال 2022کے آخری مہینے دسمبر کے آخری دو ہفتوں میں گاڑیوں چلانے والے ڈرائیورز کو گاڑی چلاتے ہوئے قانون کی خلاف ورزی (Moving Violation) کے کم از کم تین ہزار سمن (ٹکٹیں ) جاری کی گئی ہیں جو کہ ریکارڈ سے 14فیصد اضافہ ہے ۔

اس صورتحال کے پیش نظر لانگ آئی لینڈ میں گاڑی چلانے والے ڈرائیورز خصوصی احتیاط سے کام لیں کیونکہ مہنگائی اور مشکل کے اس دور میں ٹریفک اور پولیس کی ٹکٹ ملنے پر جہاں آپ کو جرمانہ بھرنا پڑتا ہے ، وہاں ڈرائیونگ لائسنس پر پوائنٹس ملنے کی صورت میں آٹو انشورنس بھی بڑھ جاتی ہے ۔