میئر نیویارک ایرک ایڈمز کے سابق مسلم کمیونٹی رابطہ افسر پر فردِ جرم

میئر ایرک ایڈمز کے سابق مسلم کمیونٹی کے چیف رابطہ افسر محمد باہی کو منگل کے روز گواہوں کو متاثر کرنے اور ثبوت ضائع کرنے کے وفاقی الزامات میں گرفتار کیا گیا

نیویارک ( اردو نیو ز )نیو یارک سٹی کے میئر ایرک ایڈمز کے سابق مسلم کمیونٹی کے چیف رابطہ افسر، محمد باہی کو منگل کے روز گواہوں کو متاثر کرنے اور ثبوت ضائع کرنے کے وفاقی الزامات میں گرفتار کیا گیا۔ نیویارک ٹائمز کی رپورٹ میں مزید کہا گیا ہے کہ (محمد باہی )پر عائد کردہ الزامات اُس تفتیش سے منسلک ہیں جس کے نتیجے میں گزشتہ ماہ میئر ایڈمز پر فرد جرم عائد کی گئی تھی۔ایف بی آئی کی جانب سے درج کی گئی فوجداری شکایت کے مطابق، محمدباہی پر یہ الزامات 2021 میں ایڈمز کی میئر مہم کے لیے غیر قانونی عطیات کے حوالے سے جاری تفتیش کے سلسلے میں لگائے گئے ہیں۔ حکام کا کہنا ہے کہ یہ الزامات میئر ایڈمز کے لیے سنگین نتائج کا باعث بن سکتے ہیں۔

ٹائمز کی رپورٹ میں مزید کہا گیا ہے کہ استغاثہ کے مطابق، ایک کاروباری شخص، جس نے چار ملازمین کی جانب سے میئر کو غیر قانونی عطیات فراہم کیے، تفتیش میں تعاون کر رہا ہے۔ ایڈمز کے وکیل نے پہلے یہ دعویٰ کیا تھا کہ میئر کے خلاف فرد جرم زیادہ تر ایک سابق معاون کی گواہی پر مبنی تھی۔ تاہم، آج کے الزامات اس کے برعکس اشارہ کرتے ہیں۔
شکایت میں کہا گیا ہے کہ ابتدائی طور پر، مذکورہ کاروباری شخص نے وفاقی تفتیش کاروں سے جھوٹ بولا اور اسے باہی کی جانب سے مزید جھوٹ بولنے کی ترغیب دی گئی، جس نے دعویٰ کیا تھا کہ اس نے اس معاملے پر میئر ایڈمز سے بات کی ہے۔

Mayor Eric Adams’s former Muslim liaison Mohamed Bahi arrested for witness tampering, evidence destruction

یہ بھی پڑھیں : مئیر نیویارک کے سابق رابطہ آفیسر محمد باہی کے ساتھ مسلم امریکن کمیونٹی کا اظہار یکجہتی
یہ بھی پڑھیں : میئر نیویارک ایرک ایڈمز کے سابق مسلم کمیونٹی رابطہ افسر محمد باہی ضمانت پر رہا