مئیر ایرک ایڈمز کا مسلم کمیونٹی کے اعزاز میں افطار ڈنر
میں مسلم امریکن کمیونٹی کا کوئی نیا نہیں بلکہ پرانا دوست ہوں ۔میری جیت ، مسلم امریکن کمیونٹی کی جیت ہے، ایرک ایڈمز
نیویارک (اردونیوز ) نیویارک سٹی کے مئیر ایرک ایڈمز نے مسلم امریکن کمیونٹی کے اعزاز میں افطار ڈنر کا اہتمام کیا ۔ افطار ڈنر میں پاکستانی اور مسلم امریکن کمیونٹی کی اہم شخصیات اور ارکان شریک ہوئے ۔ تقریب میں نظامت کے فرائض مئیر کے سینئر ایڈوائزر احسن چغتائی نے ادا کئے ۔ تقریب کا آغاز تلاوت قرآن مجید سے ہوا۔
#Ramadan Mubarak! Thank you to our city's Muslim community for coming together for tonight's #Iftar. pic.twitter.com/1jznyUMm4p
— Mayor Eric Adams (@NYCMayor) April 21, 2022
احسن چغتائی نے مئیر ایرک ایڈمز کی خدما ت کو خراج تحسین پیش کرتے ہوئے کہا کہ مسلم امریکن کمیونٹی ، سٹی انتظامیہ میں مسلم کمیونٹی کے لئے اہم مواقع پیدا کرنے پر مئیر کی مشکور ہے ۔
مئیر ایرک ایڈمز نے خطاب کرتے ہوئے مسلم امریکن کمیونٹی کو ماہ رمضان کی مبارکباد دیتے ہوئے کہا کہ ماہ رمضان دوسروں کے دکھ درد میں شریک ہونے کا درس دیتا ہے اور اس درس کے اثرات ہمارے ساتھ ہمیشہ رہنے چاہئیے ۔ انہوں نے کہا کہ میں مسلم امریکن کمیونٹی کا کوئی نیا نہیں بلکہ پرانا دوست ہوں ۔میری جیت ، مسلم امریکن کمیونٹی کی جیت ہے ۔
مئیر نے افطار ڈنر کے اہتمام میں کوپو کے محمد رضوی سمیت دیگر مسلم کمیونٹی قائدین کا بھی شکرئیہ ادا کیا ۔
#Ramadan is a special month of reflection, spiritual growth, and bonding. We are grateful to the diplomatic community for joining @NYCMayor, New Yorkers, and our team for #Iftar tonight! pic.twitter.com/IyxhrQtGo1
— NYC International Affairs (@globalnyc) April 21, 2022
قبل ازیں تقریب کے شرکاءنے سٹی بلڈنگ میں افطار کی اور نماز مغرب بھی وہاں پر ہی با جماعت ادا کی ۔
