سرور چوہدری کا ضلع لسبیلہ میں ہیلی کاپٹر حادثے میں پاک فوج کے افسران کی شہادت پر اظہارتعزیت

نیویارک (پ ر ) پاکستان پیپلزپارٹی یو ایس اے کے سینئر رہنما و کمیونٹی کی معروف شخصیت سرور چوہدری نے بلوچستان کے ضلع لسبیلہ کے علاقے میں پیش آنے والے ہیلی کاپٹر حادثے میں لیفٹیننٹ جنرل سرفراز علی سمیت تمام 6 افسران اور جوانوں کی شہادت پر گہرے رنج و غم کا اظہار کیا ہے ۔

اپنے بیان میں سرور چوہدری نے کہا کہ ہم پاک فوج کے افسران اور جوانوں کی قربانی کو سلام عقیدت پیش کرتے ہیں ۔ ہم اور پوری پاکستانی امریکن کمیونٹی سوگوار خاندانوں کے غم میںبرابر کے شریک ہیں اور دعا گو ہیں کہ اللہ تعالیٰ ان کے درجات بلند فرمائیں ، ان کی قربانی کو اپنی بار گاہ میں قبول فرمائیں ۔