کراچی پولیس لائینز پر دہشت گرد حملہ

کراچی (اردد) کراچی پولیس لائینز پر جمعہ کو دہشت گرد حملہ ہوا ہے ۔ دہشت گردوں نے اچانک پولیس لائینز کراچی پر حملہ کردیا ہے ۔ حملے کے جواب میں پولیس کی جانب سے بھی مقابلہ شروع کردیا گیا ہے ۔

پولیس کے علاوہ قانون نافذ کرنیوالے اداروں کے حکام اور اہلکاروں کو جائے وقوعہ کی طرف بھیج دیا گیا ہے کہاں دہشت گردوں کے خلاف بڑا آپریشن شروع کیا جائیگا ۔ رپورٹس کے مطابق فائرنگ کے ساتھ ساتھ جائے وقوعہ پر دھماکوں کی آوازیں بھی سنائی دی جا رہی ہیں ۔ 

دہشت گردوں کے ساتھ پولیس کے جوان مسلسل مقابلہ کررہے ہیں ۔ اردو نیوز کے کراچی میں موجود نمائندوں کے مطابق دہشت گرد کراچی پولیس لائینز میں داخل ہونے میں کامیاب ہو گئے ہیں تاہم ان سے مسلسل مقابلہ جاری ہے ۔ 

بتایا گیا ہے کہ شارع فیصل پر واقع پولیس لائینز کے ساتھ ایک مسجد واقع ہے اور دہشت گرد اسی راستے سے پولیس لائینز کے اندر داخل ہوئے ہیں ۔ 

فائرنگ کا سسلسلہ جاری ہے ۔ پولیس کے اعلیٰ حکام جائے وقوعہ پر پہنچ گئے ہیں ۔ پولیس لائینز میں موجود افسران اور اہلکاروں میں سے کوئی بھی باہر نکلنے میں کامیاب نہیں ہوا ۔ ان کی جانب سے دہشت گردوں سے مقابلہ جاری ہے ۔ واقعہ کی وجہ سے شارع فیصل کو بند کردیا گیا ہے ۔ 

وزیرِداخلہ رانا ثناءا للّٰہ کے مطابق دہشت گرد پولیس لائینز کے تیسرے فلور پر پہنچنے میں کامیاب ہوگئے ۔ انہوں نے کہا کہ دہشت گردوں کی تعداد چھ سے سات ہے ۔ پولیس اور رینجرز نے بلڈنگ کو پورے طرح گھیر لیا ہے ۔ رانا ثناء ا للّٰہ نے کہا کہ دہشت گردوں کے پاس گرینڈ بھی ہیں اور شاید راکٹ ٹائپ چیز سے بھی حملہ کیا ہے ۔  ایک سوال کے جواب میں انہوں نے کہا کہ سی سی پی او حملے کے وقت موجود نہیں تھے ۔