اسمبلی وومین جینیفر راجکمار نے نیویارک پبلک ایڈووکیٹ الیکشن لڑنے کا اعلان کر دیا

مئیر ایرک ایڈمز کے بعد موجودہ ڈیموکریٹ پبلک ایڈوکیٹ جمانی ولیمز کو بھی پرائمری الیکشن کا سامنا کرنا ہوگا

نیویارک ( اردونیوز )نیویارک سٹیٹ اسمبلی وومین جینیفر راجکمار (ڈی-38) نے نیویارک سٹی کے پبلک ایڈووکیٹ کے عہدے کے لیے انتخاب لڑنے کا اعلان کر دیاہے جس کا مطلب ہے کہ جون میں ہونیوالے ڈیموکریٹ پرائمری الیکشن میں مئیر ایرک ایڈمز کے بعد موجودہ ڈیموکریٹ پبلک ایڈوکیٹ جمانی ولیمز کو بھی پرائمری الیکشن کا سامنا کرنا ہوگا۔ ڈیموکرٹس امیدواروں کا ایک دوسرے کے سامنے آنے سے ڈیموکریٹ پارٹی کے درون خانہ اختلافات سامنے آرہے ہیں ۔نیویارک سٹی کے مئیر ایرک ایڈمز جنہوں نے دوسری ٹرم کے لئے الیکشن کا اعلان کردیا ہے ، کے مقابلے میں کمپٹرولر بریڈ لینڈر سامنے آگئے ہیں اور سابق گورنر اینڈریو کو بھی کسی بھی وقت مئیر کی دوڑ میں شامل ہو سکتے ہیں ۔
اپنے بیان میں جینیفر راجکمار نے کہا کہ نیویارک سٹی کے تمام پانچ بورو کے ہزاروں رہائشیوں سے ملاقات کے بعد یہ بات واضح ہوئی کہ نیویارک کے عوام اپنے منتخب رہنماو¿ں کے انتہا پسندانہ رویے اور روزمرہ کے اہم مسائل کو نظرانداز کرنے سے تنگ آ چکے ہیں۔
اسمبلی وومین راجکمار نے کہا ہے کہ میں اس شہر کے پبلک ایڈووکیٹ کے طور پر خدمات انجام دینے کے لیے تیار ہوں جس سے مجھے محبت ہے۔ ہمارا شہر انتظامی بحران کا شکار ہے اور ہم مزید انتہا پسندانہ ایجنڈے کے متحمل نہیں ہو سکتے۔ ہمیں ایسے ثابت قدم رہنما کی ضرورت ہے جو تمام نیویارکرز کے اہم مسائل پر توجہ دے۔جینیفر راجکمار نے اپنی مہم کے دوران اہم موضوعات جیسے کہ عوامی حفاظت کی بحالی، مہنگائی کے بحران سے نمٹنے، اور غیر قانونی دھندے بند کرانے پر زور دیا ہے۔ جمانی ولیمز کے مقابلے میں چار گنا زیادہ فنڈز کے ساتھ، راجکمار کی مہم کا کہنا ہے کہ ہم مضبوط پوزیشن میں ہے اور ان کے عوامی فنڈز کے ذریعے ایک ملین ڈالر سے زیادہ کی اہلیت حاصل کرنے کی توقع ہے۔

Assemblymember Jenifer Rajkumar Enters NYC Public Advocate Race, Challenging Incumbent Jumaane Williams