نیویارک میں جمال محسن کا خاکہ”Christ-Mus Holiday“ ، طاہرہ شریف کی متاثر کن اداکاری

”پاکولی “کے عشائیہ میں جمال محسن کے خاکے”Christ-Mus Holiday“کی پذیرائی ، طنزومزاح سے بھر پور پلے میں جمال محسن اور طاہرہ شریف کی شاندار پرفارمنس

نیویارک ( اردونیوز ) پاکستانی امریکن کمیونٹی آف لانگ آئی لینڈ ”پاکولی“ کے سالانہ ہالیڈے ڈنر کے موقع پر ”پاکولی“ کے فاونڈنگ ممبر اور سابق صدر جمال محسن کا لکھا ہوا طنزومزاح سے بھر پور خاکہ ”Christ-Mus Holiday“پیش کیا گیا۔ ”پاکولی“ کی ڈائرکٹر، روٹری کلب کی منتخب صدر اور کمیونٹی کی جانی پہچانی شخصیت طاہرہ شریف نے اس خاکے میں اداکاری کی اپنی قدرتی صلاحیتوں کے باعث خاکے میں جان ڈال دی۔

To Watch “Christ-Mus Holiday”, Click the Facebook Post below

https://www.facebook.com/548899106/videos/pcb.10161474476544107/1145380686956750

نیویارک کی سب سے فعال تنظیم ”پاکولی“ کو یہ کریڈٹ جاتا ہے کہ وہ ہمیشہ اوریجنل اور دوسری تنظیموں کے مقابلے میں ذرا ہٹ کے پروگرام پیش کرتی ہے۔چار دہائیوں سے فنانشل فیلڈ میں کمیونٹی کی مدد کرنے کے ساتھ جمال محسن نے اپنی صحافت کی سابقہ فیلڈ کو کسی نہ کسی شکل میں قائم رکھا ہوا ہے۔ اردو میں فنانشل پلاننگ پہ دو کتب “ باتیں پیسوں کی” تحریر کرنے کے بعد حال ہی میں انکی فکاہی کالموں پر مبنی ایک کتاب “امریکا میں دائمی دھرنا” شائع ہوئی۔ فکاہیہ کالموں کے علاوہ طنزومزاح کے خاکے بھی لکھے، جس میں قائداعظم اور سرسید احمد خاں کے ساتھ موجودہ حالات پر تبصرے اور مکالمے لکھنے کے علاوہ موقع کی مناسبت سے مثبت پیغامات کو طنزیہ خاکے کے ذریعے بھی پہچانا شروع کئے۔”Christ-Mus Holiday“سنہ 2024 میں جمال محسن کا تیسرا کھیل ہے۔ اس سے قبل عیدالفطر پہ پاکولی عید ملن پارٹی میں رمضان اور عید سے متعلق شگفتہ باتیں انکے خاکے ”Eat, Pray, Sleep“میں دیکھی جا سکتی ہیں۔ عیدالاضحی 2024 میں فادرز ڈے پر پڑا تھا تو انگلش میں فادر ڈے اور قربانی کے بارے میں دلچسپ پیغاماتی خاکہ ”Allah advises, Father sacrifices “اسلامک سنٹر آف لانگ آئی لینڈ میں پیش کیا گیا، جسے بے حد پسند کیا گیا۔یہ تمام خاکے جمال محسن کی ویب سائٹ www.jamalmohsin.com
پر دیکھے جا سکتے ہیں۔

Jamal Mohsin’s “Christ-Mus Holiday” Wows New York Audience, Tahira Sharif Delivers a Stellar Performance at PACOLI Dinner