نیویارک میں شہداءکربلا کی یاد میں چہلم کا جلوس، راجہ عمار یاسر سمیت یوتھ کی خدمات کو خراج تحسین

 جعفریہ کونسل کے زیرانتظام سالانہ جلوس چہلم( اربعین جلوس) انتہائی تزک و احتشام سے منعقد ہوا، جلوس کے انعقاد میں جعفریہ یوتھ آف نیویارک نے کلیدی کردار ادا کیا

نیویارک(اردو نیوز)شہداءکربلا کی یاد میں جعفریہ کونسل کے زیرانتظام سالانہ جلوس چہلم( اربعین جلوس) گزشتہ دنوں( اتوار 25 ستمبر) انتہائی تزک و احتشام سے منعقد ہوا۔ جلوس کے انعقاد میں جعفریہ یوتھ آف نیویارک( جے وائی این ایف)نے اہم اور کلیدی کردار ادا کیا۔

جعفریہ یوتھ کے صدر راجہ عمار یاسر نمبردار کی قیادت میں جعفریہ یوتھ کے پرعزم اور پرجوش کارکنوں نے دن رات محنت کے بعد جلوس کے انتظامات بھرپور کئے۔ راجہ عمار یاسر گزشتہ چند سالوں سے چہلم کربلا اور شہادت امام علی کے جلوسوں کے انتظامات خوش اسلوبی سے نبھارہے ہیں۔ ان کی قیادت میں جعفریہ یوتھ آف نیویارک کے کارکنان بڑی محنت اور جانفشانی کے ساتھ تمام کام خوش اسلوبی سے انجام دئیے۔

جعفریہ کونسل یو ایس اے کے اعلی عہدیداروں نے جعفریہ یوتھ کے نوجوانوں کو شاندار انداز میں خراج تحسین پیش کرتے ہوئے کہا کہ جس طرح نوجوان محرم کے جلوسوں اور پروگراموں کو آرگنائز کررہے ہیں مستقبل میں یہی نوجوان ہراول دستے کا کردارادا کریں گے۔

Jaloos Chelum of Hazrat Imam Hussain and Shuda e Karba in New York