لاہور میں اعجاز فرخ کا مدثر چوہدری کے اعزاز میں استقبالیہ

لاہور ( پ ر) پاکستان پیپلز پارٹی یو ایس اے رئیل کے چوہدری اعجاز فرخ نے پاکستان کے دورے پر آئے پارٹی کے سینئر رہنما چوہدری مدثر حسین کے اعزاز میں لاہور میں اپنی رہائشگاہ پر قائم کئے جانیوالے پیپلز ہاو¿س میں استقبالیہ دیا ۔ چوہدری اعجاز فرخ نے مدثر چوہدری کو پاکستان آمد پر خوش آمدید کہا ۔

چوہدری مدثر حسین جب استقبالیہ میں شرکت کے لئے پیپلز ہاو¿س لاہور پہنچے تو اعجاز فر خ نے ان کا خیر مقدم کیا ۔استقبالیہ میں اعجاز فرخ نے مدثر چوہدری کو تنظیم سازی اور پارٹی کے سینئر قائدین اور ارکان کو متحد کرنے اور پارٹی کے لئے ان کے کردار کو مزید موثر اور فعال بنانے کے لئے اپنی حکمت عملی کے حوالے سے اعتماد میں بھی لیا ۔

استقبالیہ میں بات چیت کرتے ہوئے اعجاز فرخ چوہدری اور مدثر چوہدری کا کہنا تھا کہ پاکستان میں پیپلز پارٹی سمیت اتحادی جماعتوں پر مشتمل کولیشن گورنمنٹ کا قیام آصف علی زرداری اور چئیرمین بلاول بھٹو زرداری کی بصیرت اور کمال کوششوں کی بدولت ممکن ہوا ہے ۔ امریکہ سمیت اوورسیز میں بسنے والے پاکستان پیپلز پارٹی کے سینئر قائدین اور ارکان ان کی قیادت کو خراج تحسین پیش کرتے ہیں ۔
استقبالیہ کے دوران مدثر چوہدری نے اعجاز فرخ سے ان کءہمشیرہ جن کا کچھ عرصہ قبل انتقال ہو گیا تھا ، کی وفات پر اظہار تعزیت بھی کیا اور اس موقع پر مرحومہ کی روح کے ایصال ثواب کے لئے فاتحہ خوانی بھی کی گئی ۔

اعجاز فرخ چوہدری نے کہا کہ پاکستان میں کولیشن حکومت کے قیام اور اوورسیز میں پارٹی کے سینئر قائدین اور ساتھیوں کے آئندہ لائحہ عمل کے حوالے سے انہوں نے پاکستان میں اپنا قیام بڑھا دیا ہے ۔ اپنے قیام کے دوران وہ پارٹی قائدین سے رابطے کریں گے اور اوورسیز کے ساتھیوںکے لئے آئندہ لائحہ عمل کے بارے میں ہدایات لیں گے ۔