الریان فیونرل ہوم نیویارک کے امتیاز احمد کو صدمہ ،کشمیر میں بڑے بھائی کا انتقال

پاکستانی اور کشمیری امریکن کمیونٹی نے امتیاز احمد اور ان کے اہل خانہ سے فیاض احمد مرحوم کی وفات پر گہرے دکھ اور غم کا اظہار کیا ہے
دعا کی ہے کہ اللہ تعالیٰ مرحوم کو اپنے جوار رحمت میں اعلیٰ سے اعلیٰ مقام نصیب فرمائے اور پسماندگان کو صبر جمیل عطاءفرمائیں

نیویارک ( اردو نیوز ) پاکستانی امریکن کمیونٹی نیویارک کی معروف سماجی و کاروباری شخصیت اور الریان فیونرل ہوم بروکلین(نیویارک ) کے امتیاز احمد کے بڑے بھائی فیاض احمد قضائے الٰہی سے آزاد کشمیر میں انتقال کر گئے ۔ مرحوم کی چند روز قبل اچانک طبیعت خراب ہوئی۔ امتیاز احمد اور ان کے اہل خانہ فیاض احمد کی طبیعت کی خرابی کی اطلاع ملنے پر فوری طور پر پاکستان روانہ ہو گئے ۔ فیاض احمد ہسپتال میں زیر علاج رہے اور زندگی و موت کی کشمکش میں مبتلا رہنے کے بعد اپنے خالق حقیقی سے جا ملے ۔
پاکستانی اور کشمیری امریکن کمیونٹی نے امتیاز احمد اور ان کے اہل خانہ سے فیاض احمد مرحوم کی وفات پر گہرے دکھ اور غم کا اظہار کیا ہے اور دعا کی ہے کہ اللہ تعالیٰ مرحوم کو اپنے جوار رحمت میں اعلیٰ سے اعلیٰ مقام نصیب فرمائے اور پسماندگان کو صبر جمیل عطاءفرمائیں ۔
امتیاز احمد ، ظفر اقبال سمیت ان کی فیملی کی جانب سے تمام دوست احباب کا شکرئیہ ادا کیا گیا ہے کہ جو ان کے غم میں شریک ہو رہے ہیں ۔ انہوں نے دوست احباب سے اپیل کی کہ وہ مرحوم کے درجات کی بلندی اور مغفرت کےلئے خصوصی دعا کریں ۔

Al Rayan Funeral Home’s Imtiaz Ahmad brother Fayyaz Ahmad passes away in Azad Kashmir