لاہور (احسن ظہیر سے ) سپریم کورٹ آف پاکستان کی جانب سے پنجاب اور کے پی کے میں الیکشن کے فیصلے کے بعد چیف الیکشن کمیشن اور صدر مملکت کی جانب سے پنجاب میں الیکشن کے انعقاد کے حوالے سے اہم پیش رفت ہوئی ہے ۔ صدر داکٹر عارف علوی نے پنجاب میں تیس اپریل کو الیکشن کے انعقاد کا اعلان کر دیا ہے اور الیکشن کے انعقاد کی تاریخ کی منظوری دے دی ہے ۔الیکشن کمیشن کی جانب سے تیس اپریل سے سات مئی کے درمیان صوبے میں الیکشن کی تاریخ تجویز کی گئی تھی ۔الیکشن کمیشن کا کہنا ہے کہ صدر کی جانب سے تاریخ کے انتخاب کے بعد ادارہ اپنا آئینی و قانون فرض ادا کرنے کے لئے تیار ہے ۔
صدر مملکت ڈاکٹر عارف علوی نے 30 اپریل بروز اتوار کو پنجاب اسمبلی کے عام انتخابات کرانے کا اعلان کردیا
صدر مملکت نے تاریخ کا اعلان الیکشن کمیشن کی جانب سے تجویز کردہ تاریخوں پر غور کرنے کے بعد کیا pic.twitter.com/Bs363qpgGa
— The President of Pakistan (@PresOfPakistan) March 3, 2023
پاکستان کی تاریخ میں ایسا پہلی بار ہونے جا رہا ہے کہ ملک میں کسی بھی صوبائی اسمبلی کے الیکشن ، ایک ساتھ جنرل الیکشن کے ساتھ منعقد نہیںہوں گے ۔
پنجاب میں الیکشن کی تاریخ کے اعلان کے ساتھ ہی صوبے سمیت ملک بھر میں انتخابی و سیاسی اور انتخابی ماحول شروع ہو گیا ہے اور امیدواروں نے تیاریاں شروع کر دی ہیں ۔
الیکشن کمیشن کے انتخابات کی تاریخ دینے پر تحریک انصاف کا رد عمل pic.twitter.com/FXgNiQVQd7
— Ch Fawad Hussain (@fawadchaudhry) March 3, 2023
