گورنر نیوجرسی کا ترکی اور شام کے زلزلہ زدگان اور عوام سے اظہار یکجہتی

نیوجرسی (اردو نیوز) گورنر نیوجرسی فل مرفی نے ترکی اور شام کے متاثرین زلزلہ اور دونوں ممالک کی عوام سے یکجہتی کا اظہار کیا ہے اور کہا ہے کہ نیوجرسی ریاست مشکل کے اس وقت میں ان کی ہر ممکن مدد کرے گی۔ اپنے ٹویٹ میں گورنر مرفی نے کہا کہ ہمارے دل اور دعائیں ترکی اور شام کے ان لوگوں کے ساتھ ہیں کہ جن کے عزیز و اقارب زلزلہ کے دوراں جاں بحق ہو گئے ۔

Our hearts and prayers are with the families and friends of the thousands tragically killed in Turkey and Syria by this weekend's devastating earthquake.

New Jersey stands ready to support our nation’s response to this natural disaster and resulting humanitarian crisis.

— Governor Phil Murphy (@GovMurphy) February 6, 2023

مختلف رپورٹس کے مطابق امریکہ بھر میں ٹرکش امریکن کمیونٹی ارکان کی تعداد ڈیڑھ لاکھ سے زائد ہے۔ نیوجرسی اور نیویارک میں ٹرکش کمیونٹی بڑی تعداد میں آباد ہے۔ نیویارک اور نیوجرسی میں ٹرکش امریکن کمیونٹی سے پاکستانی و مسلم امریکن کمیونٹیز سمیت دیگر کمیونٹیز کی جانب سے بھی اظہار ہمدردی اور یکجہتی کا سلسلہ جاری ہے ۔ کمیونٹی تنظیموں کی جانب سے اپیل کی جا رہی ہے کہ متاثرین ترکی اور شام کی اس مشکل گھڑی میں ہر ممکن مدد کی جائے اور امریکہ سے متاثرین زلزلہ کو ریلیف آئٹمز اور دیگر اشیائے ضروریات بھجوائی جائیں ۔

نیویارک پولیس ڈیپارٹمنٹ میں مسلم آفیسرز کی نمائندہ تنظیم مسلم آفیسرز سوسائٹی(NYPS MOS) کی جانب سے بھی ترکی اور شام کے زلزلہ زدگان سے ہمدردی اور یکجہتی کا اظہار کیا گیا ہے اور کمیونٹی سے اپیل کی گئی ہے کہ وہ متاثرین زلزلہ کی ہر ممکن امداد کریں۔

این این آئی کی رپورٹ کے مطابق امریکی زلزلہ پیما مرکز کا کہنا ہے کہ شدید سرد موسم اور عمارتوں کے ملبے تلے دبے افراد کو نکالنے میں تاخیر اور بڑے پیمانے پر پھیلی تباہی کو دیکھتے ہوئے اندازہ ہے کہ ترکیے اور شام میں 7 اعشاریہ 8 شدت کے تباہ کن زلزلے سے اموات کی تعداد 10 ہزار سے بھی بڑھنے کا اندیشہ ہے۔

زیر زمین ہونے والی کن تبدیلیوں کو زلزلہ کہتے ہیں، اب تک سب سے زیادہ 9.5 شدت کا زلزلہ کب اور کس ملک میں آیا؟#UrduNews #EarthQuake #Turkey pic.twitter.com/Iifp4n8v9F

— Urdu News (@UrduNewsCom) February 7, 2023