ٹرمپ انتظامیہ کا 4ممالک کے 5لاکھ امیگرنٹس کا لیگل سٹیٹس ختم کرنے اور24اپریل تک امریکہ چھوڑنے کا اعلان
Trump Administration Announces Termination of Temporary Legal Status for at Least 530,000 Cuban, Haitian, Nicaraguan, and Venezuelan Immigrants in the U.S., Effective April 24, 2025
ٹرمپ انتظامیہ کا امریکا میں کیوبن، ہیٹی، نکاراگون اور وینزویلا کے کم از کم 5 لاکھ 30 ہزار تارکین وطن کی عارضی قانونی حیثیت کو منسوخ کرنے کا اعلان ، قانونی حیثیت منسوخ کرنے کا فیصلہ 24 اپریل 2025 سے نافذ العمل ہوگا
نیویارک ( نیوز ڈیسک ) ٹرمپ انتظامیہ نے امریکا میں کیوبن، ہیٹی، نکاراگون اور وینزویلا کے کم از کم 5 لاکھ 30 ہزار تارکین وطن کی عارضی قانونی حیثیت کو منسوخ کرنے کا اعلان کر دیا۔نیوزکی رپورٹ کے مطابق تارکین وطن کی قانونی حیثیت منسوخ کرنے کا فیصلہ 24 اپریل 2025 سے نافذ العمل ہے جو سابق امریکی صدر جوبائیڈن کے دور میں تارکین وطن کو دی گئی دو سالہ پیرول کو کم کرے گا جس کے تحت اگر ان کے پاس امریکی اسپانسرز ہوں تو وہ ہوائی جہاز کے ذریعے ملک میں داخل ہو سکتے ہیں۔
امریکی شہریوں اور تارکین وطن کے ایک گروپ نے انسانی ہمدردی کی بنیاد پر پیرول ختم کرنے کیلیے ٹرمپ انتظامیہ پر مقدمہ دائر کیا اور وہ اسے بحال کرنے کی کوشش کر رہے ہیں۔
جوبائیڈن نے 2022 میں وینزویلا کے لوگوں کیلیے پیرول انٹری پروگرام کا آغاز کیا تھا اور 2023 میں کیوبا، ہیٹی اور نکاراگون کو اس پروگرام میں شامل کیا۔ سابق صدر کی انتظامیہ کو ان ممالک سے غیر دستاویزی امیگریشن کا سامنا بھی کرنا پڑا، ان ممالک کے امریکا کے ساتھ سفارتی اور سیاسی تعلقات کشیدہ ہو چکے ہیں۔ڈونلڈ ٹرمپ نے عہدہ سنبھالنے کے بعد نفاذ کو تیز کرنے کیلیے فوری اقدامات کیے جس میں سرکاری دستاویزات کے بغیر امریکا میں مقیم لوگوں کی ریکارڈ تعداد کو ملک بدر کرنے کیلیے دباو¿ ڈالا بھی شامل ہے۔امریکی صدر نے دلیل دی کہ جوبائیڈن کے شروع کیے گئے قانونی داخلے کے پیرول پروگراموں نے وفاقی قانون کی حدود سے تجاوز کیا، ساتھ ہی انہوں نے 20 جنوری کے ایگزیکٹو آرڈر میں ان کے خاتمے کا مطالبہ کیا۔
ٹرمپ انتظامیہ کا تارکین وطن کی قانونی حیثیت ختم کرنے کا فیصلہ بہت سے لوگوں کے لئے ملک بدری کا خطرہ ہے۔ یہ اب تک واضح نہیں کہ پیرول پر ملک میں داخل ہونے والے کتنے لوگوں کے پاس قانونی حیثیت کی دوسری شکل ہے۔پیر کو فیڈرل رجسٹر میں باضابطہ طور پر شائع ہونے والے ایک نوٹس میں امریکی محکمہ ہوم لینڈ سکیورٹی نے کہا کہ پیرول کی حیثیت کو منسوخ کرنے سے تارکین وطن کو ملک بدری کے تیز رفتار عمل میں رکھنا آسان ہو جائے گا۔کیوبن، ہیٹی، نکاراگوا اور وینزویلا کے شہریوں کے لیے اعلان کردہ سی ایچ این وی پروگرام جنوری 2023 میں شروع کیا گیا جس کے تحت ان ممالک سے ہر ماہ زیادہ سے زیادہ 30 ہزار افراد کو 2 سال کے لیے امریکا آنے کی اجازت دی گئی تھی۔
Trump Administration Announces Termination of Temporary Legal Status for at Least 530,000 Cuban, Haitian, Nicaraguan, and Venezuelan Immigrants in the U.S., Effective April 24, 2025
