شکاگو میں فائرنگ ، ایک خاتون پولیس آفیسر ہلاک ، دوسرا شدید زخمی

شکاگو(اردونیوز ) امریکی شہر شکاگو کے بیل ایونیو اور ویسٹ 63سٹریٹ پر پیش آنے والے فائرنگ کے ایک واقعہ میں ایک خاتون پولیس آفیسر ہلاک ہو گئی ہیں جبکہ دوسرا پولیس آفیسر شدید زخمی ہے ۔ زخمی پولیس آفیسر کو تین گولیاں لگی ہیں جن کی وجہ سے وہ شدید زخمی ہوا ہے ۔فائرنگ کا واقعہ اس وقت پیش آیا کہ جب پولیس آفیسرز نے ایک گاڑی کو روکنے کی کوشش کہ جس میں تین افراد سوار تھے ، گاڑی کو روکے جانے کا کہنے پر گاڑی میں موجود افراد کی جانب سے پولیس اہلکاروں پر فائرنگ شروع کر دی گئی جس کے جواب میں پولیس والوں نے بھی فائرنگ کی ۔ فائرنگ کے اس واقعہ میں دو پولیس والے جبکہ گاڑی میں سوار ایک شخص زخمی ہوا۔ ایک پولیس آفیسر زخموں کی تاب نہ لاتے ہوتے ہوئے جاں بحق ہو گئی ۔ شکاگو میں یہ پولیس پر فائرنگ کا اس سال میں 27واں واقعہ ہے ۔فائرنگ کے اس واقعہ کے سلسلے میں دو افراد کو حراست میں لے لیا گیا ہے

Chicago police officer dies after shooting