پرویز الٰہی کا اپنے رشتہ دار محسن نقوی کی تقرری کے خلاف سپریم کورٹ جانے کا اعلان

سابق وزیر اعلیٰ پنجاب چوہدری پرویز الٰہی نے محسن نقوی پر حارث سٹیل مل کیس میں کرپشن کا الزام بھی عائد کر دیا ہے

لاہور (احسن ظہیر سے ) سابق وزیر اعلیٰ پنجاب چوہدری پرویز الٰہی نے اپنے رشتہ دار اور نگران وزیر اعلیٰ پنجاب محسن نقوی کی بطور وزیر اعلیٰ تقرری کا سپریم کورٹ میں چیلنج کرنے کا اعلان کر دیا ہے اور ساتھ ہی محسن نقوی پر حارث سٹیل مل کیس میں کرپشن کا الزام بھی عائد کر دیا ہے ۔

چوہدری پرویز الٰہی کا اپنے ایک ٹویٹ میں کہنا ہے کہ حارث سٹیل کیس میں 35 لاکھ روپے کی پلی بارگین کرنے والے شخص سے کیسے انصاف کی توقع کی جا سکتی ہے۔میرا قریب ترین رشتے دار کیسے نگران وزیراعلیٰ بن سکتا ہے۔الیکشن کمیشن کا متنازعہ فیصلہ ہر اصول اور ضابطے کے خلاف ہے۔ الیکشن کمیشن کے اس فیصلے کے خلاف ہم سپریم کورٹ جا رہے ہیں۔

حارث سٹیل کیس میں 35 لاکھ روپے کی پلی بارگین کرنے والے شخص سے کیسے انصاف کی توقع کی جا سکتی ہے.میرا قریب ترین رشتے دار کیسے نگران وزیراعلیٰ بن سکتا ہے.الیکشن کمیشن کا متنازعہ فیصلہ ہر اصول اور ضابطے کے خلاف ہے. الیکشن کمیشن کے اس فیصلے کے خلاف ہم سپریم کورٹ جا رہے ہیں.

— Ch Parvez Elahi (@ChParvezElahi) January 22, 2023

یہ بھی پڑھیں : ن لیگ کے نامزد کردہ او ر پرویز الٰہی کے رشتہ دار محسن نقوی نگران وزیر اعلیٰ پنجاب مقرر

یہ وہ آدمی ہے جو کہتا تھا میں زرداری کا بچہ ہوں شہباز شریف کا پارٹنر ہوں اور چوہدریوں کا رشتہ دار ہوں۔ میں فیصلے کروں گا پاکستان کے pic.twitter.com/tQyH4I8oDs

— Moonis Elahi (@MoonisElahi6) January 15, 2023