امریکی اٹارنی جنرل ولیم بار کا عہدہ چھوڑنے کا اعلان
صدر ٹرمپ کا کہنا ہے کہ ولیم بار چھٹیاں اپنے بچوں کے ساتھ منانا چاہتے ہیں اور کرسمس سے پہلے اپنی ذمہ داریوں سے عہدہ برا ہونا چاہتے ہیں
نیویارک (سپیشل رپورٹر سے ) امریکی اٹارنی جنرل ولیم بار نے کرسمس سے پہلے اپنا عہدہ چھوڑنے کا فیصلہ کیا ہے ۔ اس بات کا اعلان امریکی صدر ڈونلڈ ٹرمپ کی جانب سے ولیم بار سے ملاقات کے بعد جاری کردہ ٹویٹ میں کیا گیا ۔ صدر ٹرمپ کا کہنا ہے کہ ولیم بار چھٹیاں اپنے بچوں کے ساتھ منانا چاہتے ہیں اور کرسمس سے پہلے اپنی ذمہ داریوں سے عہدہ برا ہونا چاہتے ہیں ۔
Just had a very nice meeting with Attorney General Bill Barr at the White House. Our relationship has been a very good one, he has done an outstanding job! As per letter, Bill will be leaving just before Christmas to spend the holidays with his family…
— Donald J. Trump (@realDonaldTrump) December 14, 2020
ولیم بار اور صدر ٹرمپ کے درمیان حالیہ صدارتی الیکشن کے دوران اور اس سے پہلے اہم مواقع پر قانونی معاملات پر اختلافات رہے ۔ صدر ٹرمپ کی مدت ختم ہونے سے تقریباً ایک ماہ قبل ولیم بار کا عہدے سے علیحدگی کے بارے سیاسی پنڈتوں کا کہنا ہے کہ ولیم بار آخری موقع پر صدر کی جانب سے کئے جانے والے فیصلوں اور اقدامات کا حصہ بننے سے گریز کرنا چاہتے ہیں یہی وجہ ہے کہ انہوں نے ایک ماہ قبل مستعفی ہونے کا فیصلہ کیا
صدر ٹرمپ کی جانب سے جیف روز ن کو قائمقام اٹارنی جنرل مقرر کر دیا گیا ہے۔ دریںاثناءامریکی الیکٹورل کالج کے ”الیکٹرز “ نے 14دسمبر کو منتخب صدر بائیڈن کے حق میں اپنا فیصلہ سنا دیا ہے ۔ جو بائیڈن 20جنوری کو امریکہ کے46ویں صدر کی حیثیت سے اپنے عہدے کا حلف اٹھائیں گے ۔ صدر ڈونلڈ ٹرمپ کی جانب سے ابھی تک تین نومبر کو ہونے والے صدارتی الیکشن میں اپنی شکست تسلیم نہیں کی گئی ہے ۔
…Deputy Attorney General Jeff Rosen, an outstanding person, will become Acting Attorney General. Highly respected Richard Donoghue will be taking over the duties of Deputy Attorney General. Thank you to all! pic.twitter.com/V5sqOJT9PM
— Donald J. Trump (@realDonaldTrump) December 14, 2020
