کینیا (اردو نیوز) سینئر صحافی ارشد شریف کو کینیا میں گولی مار کر قتل کردیا گیا ہے ۔ یہ خبریں آرہی ہیں کہ ارشد شریف حادثے میں جاں بحق ہوئے ہیں ۔ان کی موت کی حتمی وجہ اور محرکات جاننے کی کوششیں جاری ہیں۔
کینیا پولیس حکام کی جانب سے نیروبی میں پاکستان ہائی کمیشن حکام کو ارشد شریف کی ہلاکت کے بارے میں آگاہ کردیا گیا ہے ۔
دریں اثناء کینیا کے ایک اخبار دی سٹار کے مطابق ارشد شریف کو ایک پولیس ناکے پر غلط شناخت اور گاڑی کے نہ روکے جانے پر گولی ماری گئی جو کہ ان کے سر پر لگی اور جان لیوا ثابت ہوئی ۔
ارشد شریف جو کہ کچھ عرصہ قبل ، عمران خان کی حکومت ختم ہونے کے بعد ملک چھوڑ گئے تھے ،خود ساختہ جلاوطنی اختیار کئے ہوئے تھے۔ وہ پی ڈی ایم حکومت کے ساتھ ساتھ ایسٹبلشمنٹ کے شدید ناقد شمار ہوتے تھے ۔
ارشد شریف کے مبینہ قتل کی خبر سے تقریباً بارہ سے پندرہ گھنٹے قبل ان کی جانب سے آخری ٹویٹ کیا گیا جو کہ ان کے ٹاک شو کا ایک حصہ تھا جو کہ کار ڈگی میں خفیہ ملاقاتوں سے متعلق تھا
#ڈگی_والا کسطرح چھپ کر جاتا تھا، یہ جنوری میں بتایا تھا
اب اعجاز الحق کو دباؤ ڈال کر بیان واپس لینے کا کہا گیا- خفیہ ملاقاتوں کے بعد یہ خود بتاتے تھے کہ ملاقات میں کیا طے پایا- #NRO2 انہی وجہ سے ہوا-#ڈگی_والا_وزیراعظم 👇🏽👇🏽👇🏽— Arshad Sharif (@arsched) October 23, 2022
ارشد شریف کی والدہ جن کے خاندان کا ارشد شریف سہارا تھے ، بیٹے کی موت کے اطلاع ملنے پر سکتے میں ہیں ۔ والدہ کا کہنا ہے کہ ان کے بیٹے کو جلد از جلد ان کے پاس لایا جائے ۔
ارشد شریف شہید کے والد محمد شریف نیوی میں کمانڈر تھے،2011 میں ہارٹ اٹیک سے انتقال کرگئے ۔
ارشد کے بھائی میجر اشرف شریف اپنے والد کے جنازے میں شرکت کرنے کے لیے بغیر سیکورٹی بنوں سے نکلے تو راستے میں دہشت گردوں نےشہیدکر دیا۔
باپ بیٹے کی میتیں گھر سے اکٹھے نکلیں ، دو ہی بھائی تھے۔
بول نیوز ٹی وی کے مطابق ارشد شریف بول نیوز کا حصہ بن چکے تھے اور جلد بول ٹی وی پر بیرون ملک سے اپنا پروگرام شروع کرنے والے تھے ۔
صدر ڈاکٹر عارف علوی کی جانب سے بھی ارشد شریف کی موت پر گہرے افسوس کا اظہار کیا گیا ہے
Arshad Sharif’s death Is a great loss to journalism and Pakistan.
May his soul rest in peace and may his family, which includes his followers, have the strength to bear this loss
إِنَّا لِلّهِ وانا الیہ راجعون— Dr. Arif Alvi (@ArifAlvi) October 24, 2022
وزیر اعظم شہباز شریف اور سابق وزیر اعظم عمران خان کی جانب سے بھی ارشد شریف کے قتل پر گہرے دکھ اور تعزیت کا اظہار کیا گیا ہے
I am deeply saddened by the shocking news of journalist Arshad Sharif's tragic death. May Allah SWT grant him a place in Heaven. My deep condolences and prayers for the bereaved family.
— Shehbaz Sharif (@CMShehbaz) October 24, 2022
