افغانستان کے صوبہ قندوز کی مسجد میں دھماکا، 55 افراد جاں بحق

کابل (خصوصی رپورٹ) افغانستان میں ایک اور بم دھماکے میں درجنوں افراد ہلاک اور بڑی تعداد میںزخمی ہو گئے ہیں ۔ تفصیلات کے مطابق شمال مشرقی صوبے قندوز کی ایک مسجد میں نماز جمعہ کے دوران دھماکے کے نتیجے میں 55 افراد جاں بحق اور درجنوں زخمی ہوگئے ہیں ۔بتایا جا رہا ہے کہ مسجد میں ہونے والے دھماکے میں 55 افراد جاں بحق ہوئے اور امریکی فوج کے انخلا کے بعد یہ بدترین واقعہ ہے۔ کلچر اور انفارمیشن کے ڈائریکٹر مطیع اللہ روحانی نے تصدیق کی کہ دھماکا خود کش تھا اور 46 افراد جاں بحق اور 143 زخمی ہوگئے۔دھماکے کی ذمہ داری تاحال کسی گروپ نے قبول نہیں کی تاہم طالبان کے قبضے کے بعد داعش کی جانب سے حملوں میں اضافہ دیکھا گیا ہے۔