چئیرمین سینٹ صادق سنجرانی کی عمران خان سے اہم ملاقات

اسلام آباد (اردونیوز )وزیراعظم عمران خان سے چیئرمین سینیٹ محمد صادق سنجرانی کی ملاقات کی ۔ملاقات میں بلوچستان کی مجموعی سیاسی صورت حال اور وفاقی حکومت کی جانب سے دیے گئے شمالی و جنوبی بلوچستان کی ترقی کے پیکیجوں کے تحت جاری مختلف ترقیاتی سکیموں کی پیش رفت پر تبادلہ خیال کیا گیا۔
ملاقات میں وزیر اعظم عمران خان نے صادق سنجرانی کو بلوچستان کی تعمیر و ترقی کے لیے ہر ممکن قدم اٹھانے کی یقین دبانی کرائی۔معلوم ہوا ہے کہ اس ملاقات میں وزیر اعظم عمران خان اور چئیرمین صادق سنجرانی میں ملک کی مجموعی سیاسی صورتحال پر بھی اہم بات چیت اور اہم امور پر صلاح و مشورے ہوئے ۔وزیر اعظم نے سینٹ میں کی جانیوالی قانون سازی کے حوالے سے چئیرمین کے کردار کو سراہا۔