چیف جج رانا شمیم نے دورہ لندن مختصر کیوں کیا ؟

رانا شمیم واشنگٹن سے لندن پہنچے تو بھائی کی وفات کی اطلاع ملنے پر دورہ مختصر کرکے پاکستان چلے گئے

نیویارک (اردونیوز ) گلگت بلتستا ن ایپلٹ کورٹ کے سابق چیف جج رانا شمیم اپنے حالیہ تہلکہ خیز بیان حلفی سے پہلے امریکہ سے لندن اور لندن سے پاکستان گئے ۔ وہ امریکہ میں دو ہفتے قیام کے بعد لندن گئے جہاں ان کا ایک ہفتے سے زائد عرصہ کے لئے قیام کا اراد ہ تھا تاہم لندن پہنچنے کے بعد انہوں نے اپنا دورہ مختصر کیا اور فوری پاکستان روانہ ہو گئے ۔ نیویارک میں چیف جج (ر)رانا شمیم کے قریبی ساتھی رمضان رانا کے مطابق رانا شمیم کو لندن میں اطلاع ملی کہ پاکستان میں انکے بھائی انتقال کر گئے ہیں ۔ یہ اطلاع ملتے ہی انہوں نے اپنا دورہ لندن مختصر کیا اور وہاں سے سیدھے پاکستان کے لئے روانہ ہو گئے ۔