زلفی بخاری ’رنگ روڈ سکینڈل‘ میں بے گناہ قرار ، اوورسیز پاکستانیوں کی مبارکباد

اسلام آباد، نیویارک (اردونیوز ) اہم ذرائع سے معلوم ہوا ہے کہ ’رنگ روڈ سکینڈل‘ کی انکوائری میں وزیر اعظم کے مستعفی ہونے والے معاون خصوصی برائے اوورسیز پاکستانیز سید زلفی بخاری کو بے گناہ قرار دے دیا گیا ہے ۔ سکینڈل کی 38صفحات پر مشتمل انکوائری رپورٹ وزیر اعظم کو پیش کر دی گئی ہے جس میں سید زلفی بخاری کو کلئیرنس دے دی گئی ہے ۔اینٹی کرپشن اسٹیبلشمنٹ پنجاب نے 21 ہزار صفحات کی چھان بین کی، ‏ڈی جی اینٹی کرپشن گوہر نفیس نے وزیراعظم عمران خان کو رپورٹ پیش کی۔

امریکہ سمیت دنیا بھر میں بسنے والی اوورسیز پاکستانی کمیونٹی اور پاکستان تحریک انصاف کے ساتھیوں نے زلفی بخاری کو انکوائری میں بے گناہ قراردئیے جانے پر مبارکباد دی ہے اور کہا ہے کہ بالآخر حق، سچ اور زلفی بخاری کی فتح ہو ئی ہے۔عمران اگرہ کا کہناہے کہ انکوائری مکمل ہونے کے بعد اب سید زلفی بخاری کو فوری طور پر وزیر اعظم کے معاون خصوصی برائے اوورسیز پاکستانیز کا عہدہ واپس سنبھال لینا چاہئیے تاکہ وہ اوورسیز کی فلاح و بہبود اور ترقی کے لئے اپنے کاموں کا سلسلہ وہاں سے ہی شروع کریں کہ جہاں سے ادھورا چھوڑا تھا۔

رپورٹ کے مطابق ‏اینٹی کرپشن پنجاب نے ڈپٹی پروجیکٹ ڈائریکٹر اور دیگر متعلقہ کیخلاف مقدمہ درج کر لیا، ‏رنگ روڈ کی الائنمنٹ تبدیل کرنے کی منظوری صوبائی ڈیولپمنٹ بورڈ سے نہیں لی گئی، جبکہ ‏پروجیکٹ ڈائریکٹر کا وزیراعلیٰ پنجاب سے ہدایات لینے کا دعویٰ غلط ثابت ہوا، ‏پروجیکٹ ڈائریکٹر اور ڈپٹی ڈائریکٹر نے ہاؤسنگ سوسائیٹیز کیلئے 5 نئی انٹر چینج تجویز کیں۔

رپورٹ میں بتایا گیا ہے کہ ‏رنگ روڈ منصوبے میں وزیر اعظم کی ہدایات کی خلاف ورزی کی گئی، پی سی ون میں تبدیلی کرنے سے منصوبے کی لاگت میں 10 ارب کا اضافہ ہوا۔

ذرائع کا کہنا ہے کہ اسکینڈل کی ابتدائی رپورٹ میں سیاسی شخصیات کو کلیئر کر دیا گیا، ابتدائی تحقیقاتی رپورٹ میں کابینہ کے کسی رکن کے ملوث ہونے کا ذکر نہیں

Zulfi Bukhari name cleared in Ring Road Scandle