ٹرمپ انتظامیہ نے سیاسی پناہ گزینوں کے گرین کارڈ کے اجراءکو روک دیا

یو ایس ڈیپارٹمنٹ آف ہوم لینڈ سیکیورٹی (ڈی ایچ ایس) نے اعلان کیا ہے کہ کچھ پناہ گزینوں اور پناہ حاصل کرنے والوں کی گرین کارڈ درخواستوں پر نظرثانی کو روک دیا گیا ہے، جس سے وہ افراد غیر یقینی صورتحال کا شکار ہو گئے ہیں

واشنگٹن(محسن ظہیر سے )یو ایس ڈیپارٹمنٹ آف ہوم لینڈ سیکیورٹی (ڈی ایچ ایس) نے اعلان کیا ہے کہ کچھ پناہ گزینوں اور پناہ حاصل کرنے والوں کی گرین کارڈ درخواستوں پر نظرثانی کو روک دیا گیا ہے، جس سے وہ افراد غیر یقینی صورتحال کا شکار ہو گئے ہیں جو انتشار سے بچ کر امریکہ آئے تھے۔یو ایس سٹیزن شپ اینڈ امیگریشن سروسز (USCIS) کی جانب سے جاری کردہ اس ہدایت نامے سے ان پناہ گزینوں اور پناہ حاصل کرنے والوں پر اثر پڑے گا جنہیں پہلے ہی امریکہ آنے کی منظوری دی جا چکی ہے یا وہ جنہیں امیگریشن عدالت میں تحفظ کی درخواست پر پناہ دی گئی تھی۔
اگرچہ یہ دونوں گروپ مکمل جانچ پڑتال سے گزرتے ہیں، لیکن ڈی ایچ ایس نے کہا ہے کہ وہ ان افراد کی مستقل قانونی رہائش (گرین کارڈ) کے حصول کے عمل کو مزید جانچ کے لیے عارضی طور پر معطل کر رہا ہے۔
فراڈ، عوامی تحفظ یا قومی سلامتی کے خدشات کو بہتر طریقے سے شناخت کرنے کے لیے، یو ایس سٹیزن شپ اینڈ امیگریشن سروسزنے کچھ ایڈجسٹمنٹ آف اسٹیٹس درخواستوں کو حتمی شکل دینے پر عارضی طور پر روک لگا دی ہے تاکہ اضافی جانچ اور تصدیق مکمل ہو سکے، ڈیپارٹمنٹ آف ہوم لینڈ سیکورٹی نے بیان میں کہا۔ اس فیصلے کا حوالہ سابق صدر ٹرمپ کے دو ایگزیکٹو آرڈرز سے دیا گیا ہے۔
ان احکامات میں سے ایک میں ہدایت دی گئی ہے کہ **”ان تمام غیر ملکیوں کی مکمل جانچ اور اسکریننگ کی جائے جو امریکہ میں داخل ہونا چاہتے ہیں، پہلے سے موجود ہیں یا ان علاقوں یا ممالک سے آ رہے ہیں جہاں سیکورٹی خدشات موجود ہیں۔یہ ہدایت ان تارکین وطن پر وسیع اثر ڈال سکتی ہے جو افغانستان سے انخلا کے بعد امریکہ آئے یا جنہوں نے پہلی بار سرحد پر پناہ کی درخواستیں دائر کیں۔ پناہ گزینوں اور پناہ کے متلاشی افراد دونوں کو ثابت کرنا ہوتا ہے کہ انہیں نسل، مذہب یا سیاسی نظریات کی بنیاد پر ظلم و ستم کا سامنا ہے۔ پناہ گزینوں کو صرف اس وقت امریکہ میں داخلے کی اجازت دی جاتی ہے جب وہ بیرونِ ملک مکمل جانچ پڑتال سے گزرتے ہیں۔

Trump administration halts green card issuance for some refugees, leaving applicants in uncertainty, DHS announces review pause on certain cases