شکرئیہ پاکستان ، ٹرمپ کا سٹیٹ آف دی یونین خطاب میں اظہار تشکر

امریکی صدر ڈونلڈ ٹرمپ نے اسٹیٹ آف دی یونین خطاب کے دوران پاکستان کا شکریہ ادا کرتے ہوئے اعلان کیا کہ “ایبے گیٹ “بم دھماکے کے ذمہ دار اعلیٰ سطحی دہشت گرد کو گرفتار کر لیا گیا ہے۔

واشنگٹن (محسن ظہیر) امریکی صدر ڈونلڈ ٹرمپ نے اسٹیٹ آف دی یونین خطاب کے دوران پاکستان کا شکریہ ادا کرتے ہوئے اعلان کیا کہ “ایبے گیٹ “بم دھماکے کے ذمہ دار اعلیٰ سطحی دہشت گرد کو گرفتار کر لیا گیا ہے۔ انہوں نے کہا، “یہ وہی حملہ تھا جس میں تین سال قبل 13 امریکی فوجی اور بے شمار دیگر افراد ہلاک ہوئے تھے۔ یہ امریکی تاریخ کے سب سے شرمناک لمحات میں سے ایک تھا۔ لیکن آج میں فخر کے ساتھ اعلان کر رہا ہوں کہ اس ہولناک حملے کے ذمہ دار دہشت گرد کو گرفتار کر لیا گیا ہے، اور وہ اب امریکہ کے قانون کے تحت سخت سزا کا سامنا کرے گا۔”
صدر ٹرمپ نے خاص طور پر پاکستانی حکومت کا شکریہ ادا کرتے ہوئے کہا، “میں پاکستان کی حکومت کا خصوصی شکریہ ادا کرنا چاہتا ہوں جنہوں نے اس دہشت گرد کو گرفتار کرنے میں مدد کی۔ آج کا دن ان 13 خاندانوں کے لیے ایک تاریخی دن ہے، جن کے بچوں کو بے رحمی سے قتل کیا گیا تھا۔ میں ان خاندانوں کو ذاتی طور پر جانتا ہوں اور ان سے بات کی ہے۔” انہوں نے مزید کہا کہ ایبے گیٹ بم دھماکے کے بعد پیدا ہونے والی بدانتظامی سے عالمی سطح پر امریکہ کی ساکھ کو نقصان پہنچا۔ صدر ٹرمپ نے اپنی پہلی مدت صدارت کے دوران ہونے والے امن معاہدوں کا ذکر کرتے ہوئے کہا، “ہم نے اپنے پہلے دور حکومت میں تاریخ کے سب سے بڑے اور مو¿ثر امن معاہدوں میں سے ایک، ابراہام معاہدہ حاصل کیا۔”

Thank You, Pakistan” – Trump Expresses Gratitude in State of the Union Address