سعد کاظمی اسلامک سرکل آف نارتھ امریکہ (اکنا) کے نئے صدر منتخب ،25جنوری کو حلف اٹھائیں گے

نیویارک ( اردونیوز ) اسلامک سرکل آف نارتھ امریکہ (ICNA) نے اعلان کیا ہے کہ تنظیم کے موجودہ صدر ڈاکٹر محسن انصاری نے اپنی چار سالہ مدت مکمل کر لی ہے، اور سعد کاظمی کو 2025۔2026 کے لیے تنظیم کا نیا صدر منتخب کیا گیا ہے۔ سعد کاظمی 25 جنوری 2025 کو ہیوسٹن، ٹیکساس میں ہونے والے جنرل اسمبلی کے اجلاس میں اپنے عہدے کا حلف اٹھائیں گے۔سعد کاظمی، جو پیشے کے لحاظ سے فارماسسٹ ہیں، مرفی، ٹیکساس میں مقیم ہیں اور چار بچوں کے والد ہیں۔ ان کی قیادت کا سفر ”اکنا“کے مشن کے ساتھ گہرے وابستگی پر مبنی ہے، جو ایک اخلاقی اور خدا خوفی پر مبنی معاشرے کی تشکیل کے لیے کام کرتا ہے۔ ان کا انتخاب ایک شفاف اور منصفانہ الیکٹرانک ووٹنگ سسٹم کے ذریعے ہوا، جس میں تنظیم کے تمام متنوع اراکین نے بھرپور حصہ لیا۔
”اکنا“ کی جانب سے جاری کردہ اعلامیہ کے مطابق سعید کاظمی کا انتخاب ”اکنا“کی تاریخ میں ایک تاریخی لمحہ تھا، کیونکہ جنرل اسمبلی کے 80.4 فیصد اراکین نے انتخابی عمل میں شرکت کی۔
”اکنا “ کے بیان میں مزید کہا گیا کہ ”اکنا“کا گورننس کا عمل، جو گزشتہ 50 سال سے زائد عرصے سے جاری ہے، صدور کے انتخاب کے لیے زیادہ سے زیادہ دو دو سالہ مدتوں کی اجازت دیتا ہے۔ سعد کاظمی کی قیادت میں آئندہ دو سال ”اکنا“ کے لیے ایک نیا اور دلچسپ باب ہوں گے، جو تنظیم کے مشن کو مزید مضبوط بنانے کے لیے مختلف منصوبوں جیسے ”اکنا“ریلیف، وائی اسلام، گین پیس، ہیلپنگ ہینڈز، ینگ مسلمز اور کونسل آف سوشل جسٹس کے ذریعے کام کرے گی۔
اس موقع پر ”اکنا“نے اپنے سبکدوش ہونے والے صدر ڈاکٹر محسن انصاری کا شکریہ ادا کیا، جنہوں نے اپنی قیادت، لگن، اور امتِ محمدی کی خدمت کے لیے بے مثال کردار ادا کیا اور ”اکنا“کو موجودہ مقام تک پہنچایا۔اکنا کی جانب سے کہا گیا کہ امریکہ کی سب سے بڑی مسلم تنظیم کے طور پر، ”اکنا“ اپنے اراکین اور وسیع تر کمیونٹی کی خدمت کے لیے پرعزم ہے، اور انصاف، ہمدردی، اور ایمان پر مبنی معاشرہ قائم کرنے کی کوشش کرتی ہے۔

Saad Kazmi Elected as New President of ICNA, Succeeding Dr. Mohsin Ansari After Four-Year Term