نیویارک سٹی کے ساحل سمندروں پر تعینات 800لائف گارڈز کی تعداد میں مزید اضافے کا فیصلہ
New York City to Increase Number of Lifeguards Beyond Current 800 on Its Beaches
بروکلین میں دو بہنوں کے ڈوبنے کا واقعہ افسوسناک ہے ، اس طرح کے حادثات کی روک تھام کے لئے مختلف اقدامات کر رہے ہیں، مئیر نیویارک
نیویارک(محسن ظہیر سے )بروکلین ، نیویارک کے ساحل سمندر پر دو مسلم امریکن جواں سال بہنوں کے پانے میں ڈوبنے کے واقعے کے بعد نیویارک سٹی گورنمنٹ کی جانب سے نیویارک سٹی کے ساحلوں (بیچز) پر مزید لائف گارڈز تعینات کرنے کا فیصلہ کیا گیا ہے ۔
نیویارک سٹی کے مئیر ایرک ایڈمز نے سٹی ہال میں پر یس کانفرنس سے خطاب کے دوران بروکلین، نیویارک میں دو بہنوں کے غم انگیز واقعے پر بھی دکھ کا اظہار کیا جو کونی آئی لینڈ میں ڈوب گئیں۔ انہوں نے کہا کہ ہم اس طرح کے حادثات کی روک تھام کے لئے مختلف اقدامات کر رہے ہیں، جن میں ڈرونز کا استعمال اور لائف گارڈز کی تعداد میں اضافہ شامل ہے۔ اس وقت شہر میں 800 لائف گارڈز ہیں اور مزید کی بھرتی جاری ہے۔
مزید برآں، مئیر نے شہر کی معیشت پر بات کرتے ہوئے بتایا کہ نیویارک کے عجائب گھر نہ صرف فنون کے مراکز ہیں بلکہ اقتصادی ترقی کے محرک بھی ہیں۔ انہوں نے کہا کہ گزشتہ سال سیاحت نے شہر کی معیشت میں 74 ارب ڈالر کا اضافہ کیا۔صدر بائیڈن کے حوالے سے پوچھے گئے سوال پر مئیر ایڈمز نے کہا کہ صدر بائیڈن ملک کے صدر ہیں اور ان کی قیادت کا احترام کیا جانا چاہئے۔ انہوں نے مزید کہا کہ ان کا فوکس نیویارک سٹی کی بہتری اور شہریوں کی حفاظت پر ہے۔مئیر ایڈمز نے روزویلٹ ایونیو پر بڑھتی ہوئی جنسی اسمگلنگ اور جسم فروشی کے مسائل پر بھی روشنی ڈالی اور کہا کہ یہ ایک صحت کا مسئلہ ہے جسے سنجیدگی سے حل کرنے کی ضرورت ہے۔پریس کانفرنس کے آخر میں، مئیر نے پولیس افسران کی تربیت اور ان کی ہمدردانہ خدمات پر زور دیا تاکہ وہ عوام کی بہتر خدمت کر سکیں۔
New York City to Increase Number of Lifeguards Beyond Current 800 on Its Beaches
