مودی کا ”امریکہ میں خوش آمدید نہیں ہے“
نریندر مودی کے دورے پر 75امریکی ارکان کانگریس کا صدر بائیڈن کو خط، نیویارک کے منتخب قائدین کا احتجاج، مسلم ، کشمیری اور سکھ کمیونٹی کابھی احتجاج
نیویارک (اردو نیوز) بھارتی وزیر اعظم نریندر مودی کے دورہ امریکہ کے موقع پر کشمیری ، بھارتی مسلم اور سکھ کمیونٹی کی جانب سے ان کے دورے کو مسترد کرتے ہوئے کہا گیا ہے کہ ’مودی امریکہ میں خوش آمدید نہیں ہے ‘۔ اس سلسلے میں سماجی رابطے کی سائٹ ٹوئٹر سمیت دیگر سوشل میڈیا پلیٹ فارمز پر ’ٹرینڈز‘(رجحانات) بھی چلائے گئے ۔
وزیر اعظم مودی جو کہ دورہ امریکہ کے سلسلے میں پہلے نیویارک پہنچے تو سب سے پہلے ان کے دورہ امریکہ کو بھارتی نژادامریکن کونسل ممبر نیویارک شیکھر کرشنا ، بھارتی نژاد نیویارک سٹیٹ اسمبلی مین زوہران ممدانی اور بنگلہ دیشی امریکن کونسل وومین نیویارک سٹی شاہانہ حنیف نے مسترد کیا۔ اَن جنوبی ایشائی امریکن منتخب قائدین نے اپنے مشترکہ بیان میں نریندر مودی کے دور میں پیش آنے والے سانحہ گجرات سمیت بھارت میں انتہائی پسندی اور اقلیتوں کے ساتھ جاری سلوک کا حوالے دیتے ہوئے کہا کہ ہم نریندر مودی کے دورے کو مسترد کرتے ہیں ۔
As three of the first South Asians ever elected to New York City and State government, @voteshekar, @ShahanaFromBK and I are appalled by the visit of Prime Minister Narendra Modi to our city.⁰⁰
Our statement: pic.twitter.com/bKCA0trbSn
— Zohran Kwame Mamdani (@ZohranKMamdani) June 21, 2023
دریں اثناءنریندر مودی کے دورے کے موقع پرامریکی کانگریس کے 75 امریکی ممبران نے امریکی صدرجو بائیڈن کواپنے دستخطوں کے ساتھ مشترکہ خط لکھا۔ اپنے خط میں امریکی ارکان کانگریس نے بھارت میں بڑھتی سیاسی گھٹن، مذہبی عدم برداشت، صحافیوں کو نشانہ بنانے، آزادی اظہار اور انٹرنیٹ کی بندش جیسے مسائل اٹھائے۔
امریکی ارکان کانگریس کا کہنا تھا کہ نریندر مودی سے ملاقات میں صدرجو بائیڈن مذکورہ معاملات پر بھی بات کریں، بھارت کے ساتھ دوستی مشترکہ اقدار پر استوار ہونی چاہیے۔امریکی صدر بائیڈن کو لکھے گئے خط پر 18 سینیٹرز اور 57 ایوان نمائندگان کے دستخط ہیں۔
🚨Digital truck alert update! Few more images from New York highlighting Prime Minister Modi’s Authoritarianism and Human Rights
Violations in India #ModiNotWelcome pic.twitter.com/2jcRAev3ct— Indian American Muslim Council (@IAMCouncil) June 21, 2023
