پاکستان میں دہشت گردی میں معصوم جانوں کی بڑی تعداد میں ہلاکتوں کے سوگ میں امریکہ میں پاکستانی سفارتخانے پر قومی پرچم سرنگوں

واشنگٹن (اردو نیوز ) پاکستان میں حال ہی میں پشاور ، بنوں اور مستونگ میں ہونیوالے دہشت گرد حملوں اور ان میں انتخابی امیدواران سمیت دو سو سے زائد معصوم شہریوں کی شہادتوں کے سوگ میں واشنگٹن میں واقع پاکستانی سفارتخانے پر قومی پرچم کو سرنگوں کر دیا گیا ۔
پاکستانی سفارتخانے کی جانب سے سوگوار خاندانوں سے طہرے دکھ اور تعزیت کا اظہار کیا گیا اور کہا گیا ہے کہ پوری قوم ان کے غم میں برابر کی شریک ہے ۔
واضح رہے کہ گذشتہ ایک ہفتے کے دوران پشاور میں ہونیوالے خود کش حملے میں عوامی نیشنل پارٹی کے امیدوار ہارون بلور جبکہ مستونگ حملے میں بی این پی کے سراج رئیسانی سمیت دو سو سے زائد افراد شہید ہو گئے۔