نیویارک میں پرویز مشرف کےلئے فاتحہ خوانی و تعزیتی اجلاس ہوگا

نیویارک (اردو نیوز ) پاکستان کے سابق صدر و سابق آرمی چیف جنرل (ر) پرویز مشرف کی روح کے ایصال ثواب کے لئے بروکلین ، نیویارک میں گیارہ فروری ہفتے کو تعزیتی اجلاس ہوگا۔ اس اجلاس میں پاکستانی امریکن کمیونٹی کی اہم شخصیات اور ارکان کو مدعو کیا گیا ہے ۔
تعزیتی اجلاس میں پرویز مشرف مرحوم کی روح کے ایصال ثواب کے لئے فاتحہ خوانی ہو گی اور ان کی مغفرت کے لئے دعا کی جائے گی ۔ تعزیتی اجلاس جس کے اہتمام میں پاک امریکن رابطہ کمیٹی کے ارشد خان اور ان کے ساتھی کردارادا کررہے ہیں، میں سابق صدر و آرمی چیف کی شخصیت اور خدمات پر بھی روشنی ڈالی جائے گی ۔
واضح رہے کہ پرویز مشرف گذشتہ ہفتے دو بئی میں طویل علالت کے بعد انتقال کر گئے جس کے بعد انہیں کراچی میں سپرد خاک کیا گیا ۔
پرویز مشرف اپنے دور صدارت میں دورہ امریکہ کے دوران پاکستانی امریکن کمیونٹی سے ہمیشہ رابطے میں رہتے ۔ کمیونٹی استقبالیہ میں وہ پاکستان کے حالات و واقعات اور اپنے دور حکومت کے بارے میں مفصل خطاب کرتے رہتے تھے ۔