امریکہ میں غیر قانونی پاکستانی تارکین وطن کو عارضی لیگل سٹیٹس دیا جائے

نیویارک (محسن ظہیر سے ) پاکستان میں سیلاب کی تباہ کن صورتحال کے پیش نظر امریکی کانگریس وومین ایوٹ کلارک کی جانب سے امریکہ میں مقیم ایسے پاکستانی امیگرنٹس کہ جن کے پاس لیگل دستاویزات نہیں ہیں ، کو لیگل سٹیٹس دلوانے اور امریکہ کی پاکستان کے لئے مزید امداد کے حوالے سے اہم پیش رفت ہوئی ہے ۔

پاکستانی امریکن کمیونٹی رہنما آغا صالح @Agha_M_Saleh کا کہنا ہے کہ کانگریس وومین ایوٹ کلارک کی پاکستانی امریکن کمیونٹی کےلئے TPSسٹیٹس کی کوشش قابل ستائش ہے تاہم اس کوشش کو عملی شکل دلوانے کےلئے وہ کمیونٹی کے وکیل بن کر کردار ادا کرینگے pic.twitter.com/FDA6nVCIUU

— UrduNewsUSA (@UrduNewsUSA1) September 4, 2022

کانگریس وومین ایوٹ کلار ک نے صدر جو بائیڈن کی انتظامیہ اور امریکی سیکرٹری ہوم لینڈ سیکورٹی پر زور دیا ہے کہ پاکستان میں سیلاب کی تباہ کن صورتحال کے پیش نظر امریکہ میں مقیم ایسے پاکستانی کہ جن کے پاس لیگل سٹیٹس نہیں ہیں ،کو عارضی لیگل سٹیٹسTPS(ٹی پی ایس ) دیا جائے ۔

یہ بات انہوں نے بروکلین بورو پریذیڈنٹ انٹھونیو ری نوسو اور نیویارک سٹی پبلک جمانی ولیمز کے ہمراہ مشترکہ پریس کانفرنس سے خطاب کے دوران کیا ۔ اس موقع پر ان کے ہمراہ پاکستانی امریکن کمیونٹی کے اہم قائدین بھی بڑی تعداد میںموجود تھے جنہوں نے کانگریس وومین کلارک کے اقدام کو وقت کی ضرورت قرار دیتے ہوئے اسے قابل ستائش قرار دیا ۔

تفصیلات کے لئے یہ ویڈیو رپورٹ دیکھیں

اردو نیوز یو ایس اے ،