میاں بشارت پی پی پی یو ایس اے کے قائمقام صدر ہوںگے

نیویارک (اردونیوز ) پی پی پی یوا یس اے کے صدر خالد اعوان نجی دورے پر پاکستان روانہ ہو گئے ہیں ۔ ان کی غیر موجودگی میں پی پی پی یو ایس اے کے سینئر نائب صدر میاں بشارت پارٹی کے قائمقام صد ر ہوں گے ۔

خالد اعوان کی جانب سے میاں بشارت کی بطور قائمقام صدر تقرری کا ان کی روانگی کے بعد نوٹیفکیشن جاری کر دیا گیا ہے ۔خالد اعوان دورہ پاکستان کے دوران سپیکر قومی اسمبلی راجہ پرویز اشرف سمیت پارٹی کے اہم قائدین سے ملاقاتیں کریں گے اور پارٹی کے آئندہ لائحہ عمل کے حوالے سے ان کے سے اہم ہدایات لیں گے ۔