نیویارک پولیس ڈیپارٹمنٹ کا پاکستانی امریکن پولیس آفیسرز کی فرض شناسی کو خراج تحسین
پولیس سارجنٹ مہتاب ملہی اور ساتھی پولیس آفیسر محمد زبیر، گرل فرینڈ کی فیملی پر فائرنگ کی نیت سے آنیوالے شخص کو گرفتار کیا اور اسلحہ بھی برامد کرلیا
نیویارک (اردونیوز ) نیویارک پولیس کے70پریسنٹ سے تعلق رکھنے والے پاکستانی امریکن پولیس سارجنٹ مہتاب ملہی اور ساتھی پولیس آفیسر محمد زبیرکی جانب سے ایک 17سالہ مسلح لڑکے کی گرفتاری اور اس سے ناجائر اسلحہ کی برامدگی پر ڈیپارٹمنٹ کی جانب سے ان کی فرض شناسی کو سراہا گیا ہے۔ بتایا گیاہے کہ گرفتار ہونیوالا 17سالہ لڑکا مرضی کی شادی کی رکاوٹ بننے پر اپنی محبوبہ کی فیملی پر فائرنگ کے لئے مسلح ہو کر آیا تھا۔تاہم پولیس آفیسرز نے موقع پر پہنچ کر نہ صرف صورتحال کو قابو میں کیا بلکہ مسلح شخص کو حراست میں بھی لے لیا ۔
*Daytour Officers responded to a 911 call of a person with a gun. Officers apprehended a 17 year old juvenile who was carrying this illegal firearm. Your officers are working hard to make your city streets safe. Outstanding Job! @NYPDBklynSouth @NYPDChiefPatrol @NYPDChiefOfDept pic.twitter.com/qfN8VNKcjM
— NYPD 70th Precinct (@NYPD70Pct) February 5, 2022
نیویارک پولیس ڈیپارٹمنٹ میں پاکستانی امریکن پولیس آفیسرز کی نمائندہ تنظیم پاکستانی امریکن لاءانفورسمنٹ سوسائٹی اور راجہ کمیونٹی سنٹر کے راجہ آزاد گل سمیت دیگر کمیونٹی تنظیموں نے بھی سارجنٹ ملہی اور آفیسر محمد زبیر کی فرض شناسی اور جرات مند ی پر انہیں خراج تحسین پیش کیا ہے اور دعا کی ہے کہ اللہ تعالیٰ انہیںہمیشہ اپنے حفظ و امان میں رکھے ۔
